針對中韓遊客，落重手加兩倍分量wasabi
每個人口味唔同，但如果食到分量過多嘅wasabi，相信都一定會眼淚直流！事緣有幾位韓國網友，喺 Twitter 指大阪嘅「市場ずし 難波店」見到韓國遊客會惡作劇，喺壽司入面加大量芥末。
另外，有傳師傅會喺韓國遊客光顧嘅時候，背後講「チョン來了」等字句（「チョン」讀音chon，江戶時代用語，日語中貶低韓國人的說法）。又說：「韓國人不是都喜歡吃辣的嗎？」
成為社交網站熱話，壽司店負評不斷
事件好快喺社交網絡被瘋傳，甚至連中國人都加入訴苦，分享自己嘅類似經歷。網民認為壽司店唔歡迎中韓客人，員工做法更涉嫌歧視外國人。唔少中韓網民睇唔過眼，喺壽司店評論網留下負評。指呢間壽司店見到係韓國人就會落大量 wasabi，根本食唔落！
連日本人都睇唔過眼
甚至普遍日本人都認為事件太過分，幫忙投訴，指壽司店不但不能為遊客提供美食，還為他們帶來惡劣體驗，除了對日本的口碑以及壽司的侮辱，這種行為更是不值得原諒。
部分日本網民撐食店
但有部分日本網民就顯得支持壽司店做法，指唔歡迎中韓遊客啊！更有人留言話想去呢間壽司店工作。
負責人否認歧視，道歉文被批評冇誠意
事件愈鬧愈大，負責人不得不喺官方網站上發文道歉，解釋因為之前好多海外遊客都要求多放芥末，所以未確認就擅自多加芥末，向受困擾嘅客人致歉。但至於針對外國遊客嘅行為，就確認唔到，冇多作解釋。
不過道歉文好快又被批評冇誠意，網民唔接受之餘，更加覺得係狡辯！認為壽司店表現唔專業，更加冇任何反省嘅意思，睇嚟呢場關公災難仲未完啊！
最新的日本入境要求詳情？
在入境日本前，建議先用Visit Japan Web完成一部分檢疫手續，便能更快速地入境日本，即睇使用教學，例如註冊步驟及同行家人如何填寫等，以及買定日本電話卡。
大阪有什麼好去處及景點推介？
大阪自由行必去這些景點，當中包括USJ大阪環球影城，即睇USJ門票及交通攻略。然而，去旅行怎可忽視美食部分？必到這些人氣美食餐廳，當中更有蟹宴放題、平價米芝蓮餐廳之選。另外，不得不到溫泉旅館/按摩店、溫泉主題樂園、全新門真大型三井Outlet商場及臨空城OUTLET。準備到日本賞櫻花的大家，可預先一看日本櫻花花期預測。