壽司郎於香港的分店越開越多，但人氣似乎絲毫未減！而一直以來都有不少網民會分享自創的新食法，近來再有網民於Facebook群組「香港壽司郎關注組」中發文，指自己食壽司郎雪糕時加綠茶粉，「受到group友啟發，咁樣食真係好好食」。帖文一出，有更多網民分享「高級食法」，指單純灑綠茶粉已經太落後！

壽司郎 雪糕 （圖片來源：香港壽司郎官網）
（圖片來源：香港壽司郎官網）

網民大推壽司郎雪糕新食法　有一個方法會變更高級

該名網民貼出相片，正是把大量綠茶粉灑在雪糕表面，並留言稱「受到group友啟發，咁樣食真係好好食」。結果引來大量討論，有網民教路，指「加多兩嚿蕨餅，再高級啲」，感覺與食芭菲的感覺一樣。

壽司郎 雪糕 （圖片來源：Facebook@香港壽司郎關注組）
（圖片來源：Facebook@香港壽司郎關注組）

壽司郎 雪糕 網民提議加多兩舊蕨餅睇落再高級啲。（圖片來源：Facebook@香港壽司郎關注組）
網民提議加多兩舊蕨餅睇落再高級啲。（圖片來源：Facebook@香港壽司郎關注組）

純加綠茶粉已落後：應該要自己調個綠茶漿！

然而，有不少網民推薦新食法，指單純灑綠茶粉已經滿足不到，應要自己調較綠茶漿！留言指「有個再advance啲，就係用熱水開少少綠茶粉漿淋上去，再滲綠茶粉，呢個先絕」、「我平時鍾意濃抹茶味，我會落多啲粉，然後用杯整。一開始逐少落熱水搞開啲粉先，搞到無粉粒先慢慢再加水，去到你覺得適合嘅稀稠度。如果一開始就太多水會好多粉粒，一嚿嚿」。此外，就有網民提議：「食果仁軟雪糕，再加綠茶粉，個口感仲豐富」

壽司郎 雪糕 （圖片來源：Facebook@香港壽司郎關注組）
（圖片來源：Facebook@香港壽司郎關注組）

壽司郎 雪糕 網民提議「果仁軟雪糕+綠茶醬+綠茶粉」（圖片來源：Facebook@香港壽司郎關注組）
網民提議「果仁軟雪糕+綠茶醬+綠茶粉」（圖片來源：Facebook@香港壽司郎關注組）

2大暗黑食法：意想不到咁好食

另外亦有網民推薦加豉油指會有香濃焦糖味，如果向大膽挑戰，亦都可以嘗試加芥末：「加埋Wasabi仲正⋯⋯好似芝士味。」

壽司郎 雪糕 （圖片來源：Facebook@香港壽司郎關注組）
（圖片來源：Facebook@香港壽司郎關注組）

圖片來源：Facebook@香港壽司郎關注組、香港壽司郎官網