農夫《嘩鬼上學去》第三集逃學、作反、得罪舍監！

睇完頭兩集《嘩鬼上學去》，相信大家睇陸永同C君上堂都已經睇到有啲悶！今集農夫兩隻嘩鬼就決定逃離校園、玩轉倫敦鬧市，仲玩到遲到被罰，陸永同舍監發火嗌交：「我老婆2點都未鎖大門！」睇畫面都知火藥味濃呀！

01| 監護人睇實農夫冇得作反

原來未滿18歲的英國留學生都要由一名監護人照顧，放假期間亦會到監護人家中寄宿。農夫當然親身體驗，出發探訪一位監護人，了解英國留學生的寄住環境。兩隻嘩鬼被監護人睇到實一實，雖然冇得作反，但依然發揮搞笑本色，厲害！

農夫又點會慣被人睇到實一實？二人當然立即衝出倫敦鬧市遊覽。去到倫敦時，見到當地人睡在草地上一臉寫意，竟上前搭訕、搗亂，嚇得美女們雞飛狗走！

兩隻嘩鬼離鄉別井「多日」，突然湧起一股思鄉情，所以去「唐人街」的超級市場狂掃特色食品，仲話想買返學校做生意喎！

二人被安排在飯堂做實習生，服侍大家食「頹飯」，腸仔、煙肉都幾heavy，大家都係多肉少菜。

食飽飯就碌草地，C君表示：「知唔知咩叫盲腸炎呢？」

打麻將堪稱中華國粹，兩隻嘩鬼返到宿舍想收買人心，所以用宣揚國粹為名，熱心教兩名外籍同房打牌，由筒子、萬子、索子逐隻教起，但……結果竟然係慘被食糊，陰功豬！