論文青創意生活，台灣的確有一手，香港便利店一味換公仔，台灣FamilyMart今次唔換公仔，轉攻 PANTONE 生活用品，夠晒實用。

「 PANTONE 生活節」系列獲 PANTONE 官方授權，請來知名設計師聶永真操刀設計及配色，有縮骨遮套、膠製收納盒及旅行收納袋。每款用品都有唔同配色，最colourful的收納盒，以少女粉紅最吸引，點排點疊都靚！

第二款推介換領的是環保又索水的縮骨遮套，內層有吸濕纖維布，唔怕雨水滴濕，落雨時不需使用膠袋裝濕遮，不怕弄濕背包或手袋，下雨天更加方便。

另外還有旅行套裝，一套三件， PANTONE 兩種深淺紫色啱晒女生去旅行或者在家中收納小物。

換領方法：即日起至9/5，每消費1元就可兌換1分，滿400分就可以加錢換購，買部分商品更可以額外儲分。最易換為小型收納盒，加NT139(HK$25)就可以換到，亦可儲夠7,000分免費換購。 PANTONE 迷要去台灣一轉啦！

台灣FamilyMart PANTONE生活節
活動日期：即日至9/5
兌換日期：即日至16/5
網址：event.family.com.tw