港男搶台灣機票後驚覺未開自由行中伏
日前HK Express推出98蚊台灣來回機票，吸引大批想外遊的港人瘋搶！不過最近有就有連登仔於連登討論區以「垃圾HK express」為題發文，大呻自己早前買機票的經歷。 事緣他早前透過HK Express的$98機票優惠，搶購了雙人台灣來回機票。
不過他興幸自己搶到機票之後，才驚覺台灣並未開放自由行予香港人。他隨即就致電HK Express要求退款，不過對方卻指只可以退回機票錢，稅項無法退款，令他氣憤到將事件放大，並大鬧HK Express「垃圾」，更火滾地以酸言酸語炮轟：
等於你去外國網購但係件貨入唔到香港，
人哋係有貨只係我無本事攞！
人哋係有飛機位，係我無本事飛！
圍爐取暖失敗遭恥笑：貪心貪平抵死啦！
不過欲在連登圍爐取暖的他，今次卻是大失敗！大批網民都紛紛指出整件事根本問題在於他，各國逐步開關，但開關政策不盡相同。作為旅客，自己應先了解目的地的入境政策：「雖然HK Express係X街，但呢啲時期你飛邊都應該先了解當地有冇咩入境限制」、「 人哋肯退錢仲想點？自己連入境簽證都冇，學咩人買機票，怪就怪自己戇X啦！」、「貪心貪平抵死啦，唔執輸呀嘛！驚蝕底呀嘛！抵L死啦！交智商稅啦！」
同時亦有人指出HK Express的機票不止有港人購買，其他國籍人士到台灣都可以購買HK Express機票，所以航空公司做法並無問題：「其實人哋出個平機票都可以俾其他國籍嘅人去買，依家係得香港+中國嘅人無得自由行。你自己買機票前都應該了解下台灣未開放俾香港人啦…」
火爆事主「唔憤氣」連番與網民駁火
不過面對網民有理據的抨擊，事主卻是十分的「唔憤氣」，與網民展開一場激情的駁火，直指自己「最onX就係信錯HK Express」，網民亦不甘示弱隨即反擊：「你OnX在於唔知自己OnX 」！有網民半恥笑 式地向火爆的事主提供建議：「呢啲機票同賭佢幾時開關冇分別，建議樓主再賭多次，可能下鋪嬴。」
但有網民就提到HK Express不退稅項或涉及違法行為：「無得退稅係犯法，直接告得……稅係機場收唔係航空公司收，你冇去check in機場就唔會收你。機場無收，航空公司就要退返，唔退即係詐騙」。
HK Express退款條款咁講
因為該名連登仔沒有詳述整件事的經過，因此亦未能清晰得知實際退款明細。但根據HK Express官網上的退款條款可以得知，HK Express的淨票價及燃油附加費不設退款。 而香港國際機場的航空旅客離境稅、旅客保安費和機場建設費則可申請退款，而退款處理時間是由申請當日起計，大約需時6-8個星期。
