出遊有用 Uber 的朋友注意：今後去台灣冇得搭喇！Uber進駐台灣4年，原本覆蓋台北、台中和高雄三地，網上口碑甚佳，卻突然要撤出市場……
text： 字旅航間 | photo： 網上圖片
被政府打壓 重罰近3億
Uber雖然獲台灣當地人及遊客一致好評，但非法經營問題一直未解決，亦因此惹來正牌的士眼紅。的士司機多次慢駛向交通部抗議，要求嚴正執法。受強烈打壓下，Uber公司累積重罰2.8億港元，被迫宣布下周五停止服務。
Uber比路邊的士好？
訪問過幾個台灣朋友，都大讚Uber叫車比的士便宜，保守估計平3成！旅遊作家上田莉棋更指，台灣截的士難，上車又被司機兜路，用Uber平而且冇咁激氣！
搭的士由機場回家約花NT700/HK$175，同一段路用Uber卻只需NT450/HK$112，平成60蚊！－上田莉琪
冇Uber，以後可以用咩？
目前的召車apps剩「台灣大車隊」和新推出的「派車王」，後者仍在試運當中，合作車輛數目少，所以找車需時偏長。前者卻因介面難用，定位功能出錯，以致用家評語一面倒。不過市場壟斷，仲有得揀嗎？
台灣媒體實測過「台灣大車隊」叫車app，不論鬧市區或偏遠山區，都只需6分鐘就抵埗，是現時取代Uber的唯一選擇。
「台灣大車隊」轄下的士其實已比隨街截的質素好，可以用悠遊卡或信用卡付款，但比起Uber，車廂乾淨度、司機態度方面，仍然輸蝕。
