text：Ellissa | photo：各受訪者、Thinkstock、Gettyimages
2018 旅遊達人會去邊
今次訪問每個人都被問了一式一樣的問題，分別係2018想去邊度？同邊個去？幾時去？廢話唔多講，立刻為大家帶來旅遊達人嘅心水推介。唔少旅遊達人同名人都話想去睇極光同埋去日本，唔知大家睇到靚相之後有冇心癢癢呢？
01 | Do姐 · 鄭裕玲@《Do姐再Shopping》
想去邊：「日本、韓國、台灣；行街、食嘢、買嘢、睇電視、瞓覺。」
和誰去：「唔使搵人陪，自己一個去都得。」
幾時去：「隨時，有假期就飛。」
02 | 陸永 · 農夫@《Do姐再Shopping》
想去邊：「冰島或者其他可以看見極光的地方，老婆同囡囡一直好想睇，但冇時間，只能夠陪佢哋去太空館睇極光展覽。」
和誰去：「老婆、兩個女。」
幾時去：「年中。」
03 | C君 · 農夫@《Do姐再Shopping》
想去邊：「日本北海道，想浸溫泉，因為從來冇試過。」
和誰去：「女朋友。」
幾時去：「冬天。」
04 | 江嘉敏@TVB藝員
想去邊：「馬爾代夫，因為上一次去係同《新假期》去做嘢，馬爾代夫係我由細到大都好想去嘅地方，島上真係好靚好舒服，有靚嘅天、靚嘅海景，仲睇到完美日落，夜晚仲有星星添。」
和誰去：「全家人～爸爸媽媽＋兩個妹，去將馬爾代夫反轉再反轉！哈哈！」
幾時去：「盡量唔好假日旺季去，因為我驚多人！」
05 | 森美@《森美旅行團》
想去邊：「四國德島，首次寓工作於娛樂，完成自己做導遊的心願。」
和誰去：「心愛的人。」
幾時去：「2月。」
06 | 洪永城@《退休地圖》
想去邊：「1.斯里蘭卡，最近與善遊和輕背包合作，在當地搞團同慈善機構合作，資助佢哋營運，探索需要幫忙的慈善機構，旅行做善事更加有意義。2.格魯吉亞，因為之前去過，但得幾日走馬看花，覺得她的文化、人、食物在歐洲是未被發掘的鑽石，有全歐洲最美味的食物，而且有朋友在當地，可以探訪他們。」
和誰去：「志同道合及喜歡旅行的人、喺旅程裡面追求唔同及甦醒自己嘅人。」
幾時去：「隨時。」
07 | 黃翠如@《走過浮華大地》
想去邊：「坦桑尼亞，睇袁偉豪去完發現自己對非洲嘅概念有更深認識，希望可以去再raw啲嘅地方。」
和誰去：「一大班朋友一起搭車、傾住偈、食住零食咁去。」
幾時去：「非洲有季節性，希望可以喺非雨季、多動物嘅日子去。」
08 | 蕭正楠@《公公出埠》
想去邊：「日本沖繩，因為媽媽腳骨力不好，喺沖繩可以帶她自駕遊、嘗美食。」
和誰去：「媽媽。」
幾時去：「下半年。」
09 | 馬國明@《Do姐再Shopping》
想去邊：「看媽媽的喜好。」
和誰去：「家人、爸爸媽媽。」
幾時去：「隨時。」
10 | 梁烈唯@《Do姐去Shopping》
想去邊：「新加坡。」
和誰去：「囡囡。」
幾時去：「等囡囡三歲時。」
11 | 鄭俊弘@《Do姐去Shopping》
想去邊：「飛去東京玩幾日再轉機去夏威夷，直落波拉波拉、玻里尼西亞，因為好喜歡陽光海灘。」
和誰去：「帶埋梁烈唯去，唔想佢去新加坡咁冇大志。」
幾時去：「夏天。」
12 | 卓韻芝@旅遊作家
想去邊：「EBC trek，尼泊爾hiking trip，行上去海拔5,545m喜馬拉雅山登冰川嘅base camp。因為想喺唔同國家行山，但不是行冰川。」
和誰去：「未有人選，需要搵到好特別嘅旅伴先可以一齊去。」
幾時去：「大約行12-15日。」
13 | 健吾 · Kengo@日本文化達人
想去邊：「日本的東京、大阪，台灣的台北、台南、台中，以及曼谷、胡志明市、峴港。」
和誰去：「Nonkul（《出貓特攻隊》男主角）。」
幾時去：「一個月去一次。」
14 | 胡慧冲@泰國地膽
想去邊：「日本，希望可以去到北海道，漫天風雪，好浪漫、好開心。」
和誰去：「旅行模式與朋友不符，不想先鬧交繼而絕交，所以自己一個去會好啲。」
幾時去：「聖誕。」
15 | 林輝@旅遊作家
想去邊：「格魯吉亞」
和誰去：「團友」
幾時去：「一年四季都可以，春秋更佳。」
16 | 吳蚊蚊@旅遊作家
想去邊：「尼泊爾。每年都會去一次探小朋友，3月時可以睇雪山，又開始轉春天，會開花，好靚。」
和誰去：「帶善遊的朋友一起去。」
幾時去：「3月或9月。」
17 | 梁文禮@商台DJ
想去邊：「墨西哥。知道墨西哥每年11月頭有亡靈節，類似 Halloween 但似一個嘉年華，又有好多色彩五顏六色嘅骷髏頭擺設，感覺唔恐怖仲好好玩咁，特別睇完迪士尼彼思《玩轉極樂園》後更加想去！」
和誰去：「帶膽小怕鬼怕黑的朋友去，等佢哋從此對幽靈鬼魂不再恐懼。」
幾時去：「如果真係有機會去，我打算十月底十一月頭去，因為呢個亡靈節就係喺每年11月1-2日舉行。」
18 | 卓文慧＠旅遊寫作人
想去邊：「冰島，因為風景靚。我鍾意大自然冇咩人煙嘅地方。」
和誰去：「搵3-5個朋友一起租小屋、煮嘢食、影相、睇風景。」
幾時去：「一年四季都冇所謂，夾到朋友，9月份可以睇埋極光就係最好嘅選擇。」
19 | 陳俊偉@旅遊寫作人
想去邊：「亞美尼亞，因為當地歷史文化深厚、物價低、人好好，2017年尾已經去過6日，但仍覺得不足夠。」
和誰去：「Do 姐，我覺得她不只是懂得shopping，有文化修養、喜歡的歷史文化的人，會對不同地方略有研究。」
幾時去：「主要睇Do姐幾時得閒，最好夏天，可以同Do姐一起食當造水果。」
20 | 莫竣名 · Louis@ViuTV旅遊節目主持
想去邊：「日本。因為自己好喜歡，但會選擇未去過的福岡，或者去媽媽常常說的四國。」
和誰去：「爸爸媽媽。」
幾時去：「隨時。」
21 | 黎學勤 · Jeffery @ViuTV旅遊節目主持
想去邊：「芬蘭、冰島。成日聽朋友講北極光好靚，好想睇一次。」
和誰去：「想同女朋友，同佢屋企人一齊去，完成女朋友與家人同遊的夢想。」
幾時去：「隨時。」
22 | 黃奕晨 · Dixon @ViuTV藝員
想去邊：「冰島。鍾意影相，想去比較凍又有北極光嘅地方。
和誰去：「女朋友。」
幾時去：「想去半年。」
23 | 劉俊謙@ViuTV藝員
想去邊：「南美洲。因為經理人去咗，覺得好正。」
和誰去：「Best friend。」
幾時去：「完成工作後去兩、三個月。」
24 | 阿妹 · 岑樂怡 @ViuTV藝員
想去邊：「東非。睇動物大遷徙，超級喜歡動物。」
和誰去：「 未來嘅老公。」
幾時去：「 需要等待。」
25 | 羅伊婷 · Daisy @ViuTV藝員
想去邊：「土耳其。坐熱氣球。」
和誰去：「男朋友。」
幾時去：「 得閒嘅時間。」
26 | 謝茜嘉 @ 商台DJ
想去邊：「想去新西蘭睇南極光。」
和誰去：「《茜嘉航空》節目的聽眾。」
幾時去：「8-9月。」
27 | Afaye Chow@旅遊節目主持
想去邊：「打算自駕遊去新西蘭睇南極光或者去芬蘭睇北極光，不過之前睇過北極光，所以新西蘭睇南極光先係首選。」
和誰去：「未婚夫。」
幾時去：「 11-12月度蜜月。」
28 | 麻利 @ 商台DJ
想去邊：「美國 Mount Shasta、加州紅木國家公園。」
和誰去：「同我一樣，睇過好多書講 Mount Shasta，對這裡有一定期待嘅朋友一齊去！」
幾時去：「 8-9月。」
29 | 上田莉棋@旅遊作家
想去邊：「烏干達睇大猩猩gorillas。」
和誰去：「自己一個。」
幾時去：「6-8月。」
30 | 夢妮妲@塔羅解夢師
想去邊：「墨西哥。」
和誰去：「學解夢的學生同麻利。」
幾時去：「秋天。 」
最新的日本入境要求詳情？
在入境日本前，建議先用Visit Japan Web完成一部分檢疫手續，便能更快速地入境日本，即睇使用教學，例如註冊步驟及同行家人如何填寫等，以及買定日本電話卡。
大阪有什麼好去處及景點推介？
大阪自由行必去這些景點，當中包括USJ大阪環球影城，即睇USJ門票及交通攻略。然而，去旅行怎可忽視美食部分？必到這些人氣美食餐廳，當中更有蟹宴放題、平價米芝蓮餐廳之選。另外，不得不到溫泉旅館/按摩店、溫泉主題樂園、全新門真大型三井Outlet商場及臨空城OUTLET。準備到日本賞櫻花的大家，可預先一看日本櫻花花期預測。