「傻咗咩！去印度好危險㗎！」
「唔驚㗎！我睇過好多人寫blog都話安全，咪睇咁多電影啦！」
「唔係喎！新聞都有報成日有強姦案。」
「我朋友上次去印度背包旅行都冇事，放心啦！印度人仲好nice添！」
遊客對印度嘅印象：通街都係搶劫犯或強姦犯？
當你計劃去印度旅行，一定會聽到兩邊完全唔同嘅意見，好似兩個唔同嘅平行宇宙咁。到底係大家對印度有固有觀念，覺得佢哋滿街都係搶劫犯或強姦犯，定係真有其事？
其實印度係一個非常大嘅國家，人口亦非常多，僅次於最球最多人口嘅中國。所以大家單憑電影、報道、旅遊都無法睇清印度嘅全貌。
旅行超易迷失方向
先講旅遊，一般只會去有名嘅廟或大型景點，嗰度的確治安比較安全，扒手情況唔算太多，同歐洲國家情況差不多，唔會遇到有人突然搶劫。
不過當你問路時就有少少唔方便，因為印度大部分地區都冇門牌，當地人習慣用地標、寺廟、市集作為路標，即使你問路，佢哋只會講：「經過市集，寺廟附近。」
所以你問唔同人，就會得到唔同嘅答案。
想靜靜地一個人行街，喺印度幾乎冇可能！
另外，如果你係一個文青，想感受文化氣氛，靜靜地一個人行街，喺印度幾乎冇可能！因為除咗人多，印度仲非常非常嘈！
隨街都聽到響號聲，公眾場所偶爾會聽到吹口哨、大聲責罵……
如果大家有睇印度電影都應該知道，印度人表示「YES」、「OK」嘅時候，會左右斜斜搖頸子。相反表示「NO」會堅定咁望住你講。
文化差異極大 但唔應該對某國抱有偏見
到底點解好多人對印度嘅印象都唔一樣呢？因為印度各處文化差異非常大，商業區發展迅速，同一般大城市無異，但佢哋嘅階級觀念好重，想入名校，除咗要有錢之外，仲要睇個學生嘅父母係咪出生於貧窮地區。
比較貧窮嘅地區，宗教觀念會比較重。
相對地，貧窮地區亦較危險，唔太建議單獨旅遊或夜晚出走，因為某部分村落嘅人道德觀比較落後，覺得「強姦女性係女性嘅錯」。
總結一下，其實不論去邊個國家，有人平安無事，有人慘遭不幸，有人覺得去歐洲好安全，亦有人覺得歐洲周街扒手，服務態度極差。
