如可以，請支持我的旅行 Facebook
雖然有唔少打工仔，日想夜想都想辭職去旅行，不過無論最終結果點，喺做出呢個決定前，你應該要諗下你自己係咪真係夠班辭職去旅行。
01.錢。
真係講錢傷感情，但係就算要窮遊，你起碼都要有個路費呱。當然，如果你搵到贊助，咁就另計啦。錢呢個真係走唔甩，即使係古代，都有盤川呢個叫法啦，有錢使得鬼推磨，冇錢就寸步難行。
02.你係咪可以拋下香港的一切？
你去旅行，睇起身好似係你一個人嘅瀟灑，不過如果你有另一半，咁你果位又點講？如果你又要養埋頭家，咁你又係咪真係可以話走就走先？
03.你係咪真係適合長時間獨自在外？
辭職旅行，一開始或者真係好新鮮，但係並唔係每個人都可以接受一直一個人係路上嘅孤獨感，又或者旅行耐咗，新鮮感褪去，咁之後呢？你又會繼續前行，定打道回府？其實係辭職旅行前，不妨試試打工度假先，睇下自己係咪真係適合國外嘅生活，自己又係咪可以獨立處理晒 d 事。
04.你會點安排旅行的費用？
正如第一點，你可能會有出走嘅路費，不過始終你唔係一個旅遊作家，咁你路上嘅花費來源又點？係之前儲定，定一邊旅行一邊打工？就算儲定，你 d 積蓄都總會有用完嘅一日，並且路上也存在資金被盜的情況，呢 d 時候你又會點做呢？係辭職旅行前，你點都應該先考慮埋呢 d 問題。
05.如果係最壞嘅結果，咁你又會？
好可能，你辭職旅行幾年後，先發覺呢條路唔啱自己。但係同緊張嘅香港社會斷咗幾年聯繫，你嘅工作技能或者會被淘汰，淪為失業人士，此時你又會如何抉擇？另外一個值得思考的，如大吉利是你在路上發生意外，咁你又會如何面對？
雖然人生就係一場旅行，不過並唔係每個人都適合成為職業旅人。長時間係路上，你又真係可以堅持到？辭職旅行前，不如先試試再作長遠決定吧？人只能活一次，唔好畀自己後悔嘅機會。
攝於香港
如可以，請支持我的旅行 Facebook：http://www.facebook.com/discoverdexter
