第 9 位：炊飯器（電飯煲）
由上回嘅第 30 位一下子跳升到第 9 位！據報導，中國人喺日本買電器有 4 大原則，分別係「可以從日本帶走」、「Made in Japan 有保證」，「買一個可以用好耐」同屬於「家庭必需品」，電飯煲就完全符合呢 4 大原則，所以今年順利打入 10 大！
第 8 位：アイリスCL-I ネオ（人工淚液）
中國空氣差就大家都有聽過，對眼都特別易敏感啊！加上喺中國唔係隨時都買到眼藥水，所以呢款人工淚液今年亦都跳升 10 位！呢款人工淚液仲係獨立包裝，一支一次方便又衛生，難怪咁受歡迎。
第 7 位：万田酵素（健康食品）
第 6 位：山田漢方製藥大麦若葉（健康食品）
兩款健康食品都打入 10 大，嗯，證明大家都好著重健康。
下一頁：頭 5 位公布，其實你同我都掃過！
第 5 位：龍角散
呢樣香港人都經常大手買入，上榜亦都係意料之內。
第 4 位：夜遅いごはんでもdiet（減肥食品）
第 3 位：贅沢ジュレのシートマスク（面膜）
早前受到多方力捧嘅 mask 一下子打入 3 強！的確宜家去親藥妝佔都仲見到唔少旅客幾盒幾盒咁掃，大家都貪佢精華夠多，而且又唔算貴。
第 2 位：魔法瓶（保溫杯）
大家見到呢個估唔估到係乜？其實就係相當受旅客歡迎嘅保溫杯！相信唔止中國人，好多香港人去到日本都會買，因為同一個牌子嘅水樽，日本買可以平30 – 40% ！
第 1 位：雪肌精
呢個牌子嘅護膚品一向深受大家歡迎，所以今次繼續穩佔第 1 位！
下一頁：新年殺到，今季最受歡迎產品預告！
農曆年就到，又係一眾中國人去日本「爆買」嘅大好時機。所以除咗以上嘅統計，呢間公司亦都出咗個中國人喺農曆年「爆買」嘅產品預測。
1) 藥妝繼續穩守頭 2 位！
日本嘅藥妝選擇多又好用，相信大家都好同意呢個結果啦！
2) 中國人必買手信 4 寶
中國人手信 4 寶包括頭先講過嘅電飯煲同保溫杯，仲有就係廁所板同刀。特別係保溫杯，因為送禮自用都啱，相信會繼續成為「爆買」目標。
3) 服飾類亦相當受歡迎
自從有中國代購係網上宣傳之後，專買內衣、打底用品同襪嘅「tutuanna」突然大受歡迎！特別係當中嘅保暖絲襪，預計會大受寒冷地區嘅中國旅客歡迎！
4) 健康食品/減肥食品
都係多得中國嘅網絡世界，越嚟越多人了解到日本出嘅減肥食品有幾好，唔單止有效，而且副作用又少啲，所以深受中國人歡迎。而最近爆出嘅就係「夜スリムトマ美ちゃん」呢隻健康食品，大家去日本都可以留意下喎。
5) 文具類如 Schedule Book
日本嘅 Schedule Book 選擇多又設計精美，所以一直都大受歡迎。就算上面寫嘅係日本假期，只要自己改下就用得，絕對唔成問題。
6) 保證正貨！玩具模型
中國都睇到日本動畫，所以日本出嘅模型同樣會大受歡迎。其實喺中國都買到，不過大家都驚買到假嘢，而且喺中國買價錢分分鐘貴 5 倍，大家當然衝去日本買啦！
