02. 同牙買加飛人較量，昇爺竟然讓賽？
去到盛產頂級短跑選手的國家－牙買加，昇爺就搵咗保特的師弟一決高下，佢決定要「加碼」、喺飛人後面起步！點解要「讓賽」？因為方東昇希望觀眾能夠感受短跑選手的爆發力同速度，所以戴咗 GoPro 喺頭上，等大家可以用第一身的角度睇到「飛人」究竟有幾快！結果係點，不用多講大家都知道飛人遠遠拋離昇爺；不過跑完之後，昇爺就好風趣咁話「這就是名副其實的，輸在起跑綫上」
03. 香港超市買標榜「藍山咖啡」，俾藍山農民鑑證！
牙買加較多人認識的就是藍山咖啡，方東昇在出發之前，特登去咗香港超市買了 2 包標榜來自「藍山」的咖啡，讓當地農民驗證一下！不過農民就話有一包係真，另一包係假嘅！（大家以後去超市買藍山咖啡要小心啲喇！）
04. 同籃球強國小朋友打波 跌咪打到仆咗落地
去到歐洲籃球強國，昇爺就同一位小朋友 1打1 鬥波，「失禮」場面不斷出現；首先係無線咪跌咗落地，執返支咪後再嚟過！第二次再防守小朋友的時候又跌，不過今次跌嘅，唔係支咪，而係方東昇本人成個撻咗落地！事後昇爺再補充：學校方面為免凸顯他們在身高和技術的距離，已經安排了一個相對較弱跟他對打。
05. 攤係死海上面睇報紙
去到約旦最出名的景點「死海」，昇爺方東昇示範俾大家睇原來好多人同佢一樣：一邊攤喺水上面，一邊睇報紙，然後仲話俾大家聽千祈唔好以為佢好舒服，其實佢係為大家準備緊一份約旦版的「報章摘要」！
06. 直布羅陀有幾細？坐車環島計時
直布羅陀很小，但到底有幾細？昇爺決定用行動示範俾大家睇，計算一下開車環島到底要多久！攝製隊的車由早上10點鐘出發，直布羅陀的山多路窄，車速限制往往是時速二、三十公里，最快都只是時速50公里！最後，他們用了只是20分鐘就已經環島一周！
07. 示範不丹國技－射箭
不丹傳統的箭靶，距離大約是145米，比奧運的箭靶距離選手的70米仲要遠一倍！昇爺就即席示範去射20米的箭靶，不過一支都唔中目標，仲講笑：「成日話唔識射箭嘅就唔係不丹人，呢一日我就用行動證明，我真係唔係一個不丹人！」
08. 同蒙古人 摔跤
不算是運動型的昇爺，去到每個國家幾乎都會親身參與該國的國技，往往都出現好多「蝦碌」畫面；譬如到歐洲籃球強國「立陶宛」同小朋友打波打到仆低、「快國王國」不丹射箭「射唔出」、同牙買加「飛人」鬥快，但仲要讓賽；去到出咗名個個「打得」嘅蒙古國，摔跤學校邀請咗全場最年輕、只有15歲少年「奀仔」同昇爺切磋；賽前兩位記者都叫昇爺唔好蝦小朋友，昇爺最後都有兌現佢嘅承諾－－俾對方成個撻咗喺地下！
09. 出動山寨版「企鵝車」
外國媒體拍攝企鵝車，一般都會出動企鵝車，昇爺就預備咗一㗎「A貨」自製企鵝車，由手機控制的遙控車上面綁著一隻企鵝公仔，再用手機控制遙控車、慢慢駛向企鵝堆。不過，企鵝似乎識穿咗昇爺的技倆，愈走愈遠。
10. 欖球大國 昇爺被斐濟隊友捧上天
提到斐濟，大家一定諗起欖球！欖球是斐濟的國技，他們曾多次在香港國際7人欖球賽奪得冠。昇爺就親手上陣示範接界外球，不過佢話呢個技術需要經過專人訓練，但始終佢不是「專人」，所以拍攝期間有很多接不到欖球、失平衡跌落地的畫面！（之後更因為受傷，要去醫院檢查）
11. 斐濟水測試 本地人能否分辨斐濟水同香港礦泉水？
除咗欖球，大家第2樣想起斐濟的，應該就是斐濟水。飲咗一啖斐濟水，昇爺對住鏡頭講：「冰凍之後的斐濟水清新可口，室溫下更感天然味道，每一滴都係綠色。」(以上是斐濟水的廣告對白) 究竟斐濟水係咪真係咁出色？昇爺決定做個小測試，佢於香港出發前率先買了一瓶礦泉水，然後再買一支「斐濟水」，再俾當地居民分辨邊一杯先係「真．斐濟水」？
