（Presented by Ocean Park）
一年咁多節日，Halloween就最好玩~ 不過唔似得外國，香港可以玩Halloween嘅地方唔多， 海洋公園哈囉喂 就係最正路嘅選擇，年年新花款之餘，仲有驚有唔驚，任君選擇，大人細路都啱玩！不過呢，玩得開心還開心，去得哈囉喂，就預咗排長龍同永遠都唔會玩得晒所有鬼屋㗎喇…… 所以，去之前一定要做足功課，揀好自己最想玩邊間鬼屋，到時重點出擊！不過，今年我一早準備好秘密武器——「哈囉喂優越門票」，有咗佢，就可以輕鬆玩晒所有鬼屋同睇埋個show，仲有私家鬼屋玩咁話喎！
唔好講咁多，同大家開心share下今年有咩玩先啦~
1/ 16禁
唔使我講都知，今年 海洋公園哈囉喂 最矚目嘅鬼屋，一定係大玩未夠16歲唔玩得嘅「16禁」！密室氣氛陰森恐怖，睇真啲原來係人體實驗室！血淋淋唔在講，仲有滴蠟、虐打等重口味元素，實行挑戰你底線同感官極限！真係隔住個mon都覺得痛呀~
2/ 捉鬼敢死隊Live！/ 捉鬼敢死隊學堂
《捉鬼敢死隊》做得今年哈囉喂嘅主題，間鬼屋一定唔嘢小！「捉鬼敢死隊Live！」畀你潛入紐約時代廣場、鬧鬼大宅同凶靈地下鐵嘅真實電影場景，仲會有捉鬼敢死隊隊員陪住你一齊捉鬼（同被鬼嚇），fans一定冧爆！鍾意「GHOSTBUSTERS」嘅朋友，就千祈唔好錯過喇！細膽嘅可以去捉鬼敢死隊學堂，影下相，玩下激光槍！
捉鬼敢死隊Live！：
3/ 屍立中學
每個人嘅少男/少女時代，都一定有聽過自己學校嘅鬼古！「屍立中學」就夠晒共鳴，用陰森荒廢校園做背景，令你學生時期嘅噩夢即刻湧番晒出嚟！走廊、廁所，仲有消失的同學仔…… 真係諗起都毛管棟呀！
4/ 心慌血色吧
相信唔少少女都鍾意嚟自台灣嘅禹哲BB，今次機會嚟喇！「心慌血色吧」畀你走入唐禹哲嘅豪華大宅，佢仲會化身吸血鬼，同你傾下偈！一入到去，就有七彩激光同強勁音樂，畀你have some fun！不過當你深入豪宅之後，氣氛就會180度改變……
5/ 照妖宮殿/血祭宮殿
日夜唔同玩法嘅鬼屋，係過癮嘅！朝早嘅「照妖宮殿」要同「猛鬼獵人」app一齊玩，畀你同成班鬼嚟張靈異selfie；夜晚搖身一變成「血祭宮殿」，宮殿入面嘅妖魔鬼怪踏正五點半就成班湧晒出嚟！日頭大人細路都唔驚，夜晚就嚇餐飽……咁唔同feel，梗係要去足兩次，試晒兩種玩法啦！
照妖宮殿：
6/ 古惑糖果村
玩到咁驚豬，就要去「古惑糖果村」唞下喇！作為一個合家歡遊樂區，呢度真係好歡樂，有成8個check- points畀你玩遊戲同攞好多好多糖走㗎！唔止呀，呢度色彩繽紛，又有靚靚南瓜擺設同壁畫等，絕對係最正影相區嚟㗎~
同場加映：魔界巨星花生騷
玩鬼屋玩到攰？一於坐定定睇番場show啦！「魔界巨星花生騷」有鬼怪歌舞、華麗燈光外，仲有一連串高難度煙花雜技！唔止呀，成場show都係講廣東話，夠晒貼地夠晒gag，包你笑到唔願走！
睇完一輪，有心水未先？咩話？你揀唔到？我明，我明呀！所以介紹番，今年 海洋公園哈囉喂 為咗就番各位唔想排隊同想玩盡所有鬼屋嘅朋友仔，海洋公園特登出咗「哈囉喂優越門票」！只係畀多$345，就可以輕鬆玩晒所有鬼屋，講緊係可以排快隊，勁快有得玩！仲要留意番，「16禁」、「屍立中學」、「心慌血色吧」同「血祭宮殿」都各有一個秘密暗室，係攞住優越門票嘅人先有得玩㗎！另外，仲可以獨享「海洋快證」嘅待遇，7次搶先搭纜車、過山車同其他特定園內設施！
後記
我Travel佳出晒名識玩過人，就梗係揀「海洋公園哈囉喂 優越門票」啦！咪話我唔提你，而家去http://halloween.oceanpark.com.hk買「哈囉喂優越門票」，仲平$40添呀！
