【Asia Miles 換免費機票 攻略】最抵換旅遊熱點大搜查

香港人都鍾意一有機會就去下旅行散心，儲 Asia Miles 愈來愈流行，平時使錢之餘，又可以儲里數賺機票，可謂一舉兩得。唔少身邊嘅人都會問：究竟換里數最抵去嘅係邊啲地方？MoneyHero.com.hk為大家以不同里數分類咗不同嘅旅行熱點，比較埋附加費，揀番最抵去嘅地方出嚟！

假設：乘搭國泰航空 / 經濟客位 / 來回 / 成人 / 不連稅 / 30,000里或以下：5日4夜；45,000里或以上：7日6夜。

15,000里數之選：越南、台灣

望一望個比較表，見到越南嘅機票價位都比起台灣稍為貴，特別是旺季嘅時候高達$3,000！想去番個短途旅程，兌換機票揀喺旺季去越南就最抵不過！咁當然有不少香港人對台灣有情意結，以較低嘅附加費連里數咁兌換機票，都啱晒啲鍾意間唔中去台灣「行番轉」嘅你。

20,000里數之選：泰國曼谷、日本沖縄

泰國曼谷獲選為全球最熱門旅遊城巿， 皆因佢食、買、玩都又平又正，搭CX去泰國嘅淡季機票約$3,000不等，用里數換就好划算！日本嘅沖繩喺旺季嘅機票都絕對唔弱，最貴可以去到$9,000幾，用20,000里兌換就相對地抵換了。

30,000里數之選：日本北海道

望望個比較表，去北海道嘅機票，都比起同里數兌換嘅地方要貴，無論係淡季定旺季，仲要貴2、3倍。用30,000里嚟換機票，比較過之下就見到北海道係最抵之選，而且附加費亦都比其他地方要抵。

45,000里數之選：芬蘭、俄羅斯、馬爾代夫

講到去長途旅行，歐洲係唔少香港人都會想去嘅地方，成個歐洲最抵換嘅地方就係北歐嘅芬蘭，只需45,000里就搞掂，而且佢哋最出名嘅就係聖誕老人村，嗰段時間搭CX去需要$30,000左右，所以預早啲用里數換就變相好抵！

俄羅斯跟芬蘭的機票價錢相若，莫斯科雖然全年有三分一時間都係零度以下，但到7月嘅氣溫回暖至約18度，所以嗰段時間去莫斯科係比較昂貴，若果變成係以里數兌換機票，則比較划算。

香港人平時生活節奏咁快，有時想放慢腳步透下氣，自然對渡假勝地馬爾代夫趨之若騖，喺淡季嘅時候，馬爾代夫都比起相同里數嘅地方機票要貴，換里數去比較抵不在話下。係時候俾心機儲里數，做個里數達人，想去邊就去邊！

60,000里數之選：新西蘭

去新西蘭嘅機票平均比起去西歐、加拿大、美國嘅機票稍為貴，曾成為新西蘭首都嘅奧克蘭不但保留不少歷史建築物，更有多元文化的飲食及購物選擇，絕對係60,000里目的地之佳選！其他長途旅遊熱點，歐美加等地亦可以透過Open-jaw及較便宜嘅兌換Miles外附加費，慳番更多、賺得更多。

【尊享優惠提提你】由而家至2016年11月30日，全新客戶只要於同親友組隊，並透過網上申請渣打亞洲萬里通萬事達卡，每位全新客戶都可以賺多4,000里數。如果你經MoneyHero.com.hk申請呢張卡，同我哋組隊，就可以尊享Team MoneyHero嘅5,000里數優惠，比其他人再賺多1,000里數！立即按此睇睇優惠詳情！

（溫馨提示：計劃旅遊假期，記得要買旅遊保險！即上MoneyHero.com.hk旅遊保險比較平台選擇最適合你嘅旅遊保險！有Allied World、FWD同MSIG等不同計劃俾你揀，經我哋買仲有優惠添！）

原文轉自https://www.moneyhero.com.hk/blog/zh/【asia-miles換免費機票攻略】最抵換旅遊熱點大搜查

想知更多有關「亞洲萬里通」、飛行里數獎賞同信用卡優惠？立即上MoneyHero.com.hk Blog閱讀更多文章！