就算你有幾鍾意食漢堡包都好，相信你都冇辦法一次過 K.O. 呢個高1.6米嘅全球最高漢堡包！仲唔係你想食就有得俾你食到添！

(網上圖片)

呢個漢堡包由英國蘭開夏郡普雷斯頓市（Preston）嘅老闆 John 同 Corinne 用咗一個半鐘製成，整到咁高，入面緊係放置咗特製支架啦！成座漢堡山高1.67米，材料有芝士、牛肉批、 腸仔卷、煙肉三文治、仲有肉醬意粉組成！足足有成3萬卡路里，夠一個成人食成兩個星期！

可惜由於只係玩票性質，個漢堡包只「生存」咗一日，就俾店員同埋顧客K.O.哂啦！