鄭裕玲Do姐與5位人氣男星出埠 呼籲網民：留意我IG!
Do姐因為早幾年同農夫合作的旅遊節目深受觀眾歡迎，所以一有旅遊節目大家都好期待，而今次Do姐就在個人Instagram上公布同行的5位男旅伴，位位都係時下當紅的明星！
Do姐出Post話已經執好篋
Do姐昨日在個人IG上出片話已經執好篋準備出發去旅行，不過目的地、行程就未能公開，但就公布同行的5位男旅伴， 包括洪嘉豪、林家謙、細貓應智越、Jeffrey魏浚笙及Tyson Yoshi，陣容鼎盛！但Do姐話可以「送禮」畀大家，話會不時出Story畀大家睇少少，所以大家要馬上追蹤Do姐的IG了（@do_do_cheng）
洪嘉豪
平時唱歌好聽，反應快又搞怪的洪嘉豪相信同Do姐都擦出新火花。
林家謙
林家謙同Do姐一樣都係處女座，唔知兩個人又會點對住其他旅伴呢？
應智越
不知道應智越（細貓）上旅遊節目會呈現邊一面的自己呢？
Jeffrey魏浚笙
360度零死角男神魏浚笙（煨Sir）外型正之餘，上綜藝節目都無包袱，有超強「反差萌」！
Tyson Yoshi
大隻有才華又靚仔又錫女朋友嘅Tyson Yoshi收服了大量女粉絲！
網民：呢個組合無得輸
網民看到後都表示：「好期待林家謙同Do姐，兩個處女座會幾處女座」 、「嘉豪 家謙 TY Jeffrey，呢幾個組合真係無得輸」、「應該幾有新鮮感」、「群仔耀女王！」、「期待家謙 TY 想像唔到佢上旅行綜藝」等。
還有什麼演唱會消息？
無論是本地歌手還是外地歌手都即將在香港舉行演唱會，即睇：演唱會時間表及購票資訊，包括MIRROR演唱會門票兌換安排、容祖兒、鄭秀文、張學友、鄭中基、溫拿、羅志祥等。
