郭富城馬場無著西裝天王都唔俾入！馬迷個個爭住除
郭富城日前帶太太方媛、經理人好友等人到馬場支持名下馬匹「舞林密碼」，不過竟因為未穿西裝而在準備進入沙圈之際遭遇阻攔，被工作人員拒進場。根據馬場的規定，所有進入沙圈的男士都必須穿著西裝外套或至少打領帶，然而，郭富城當天只穿了一件polo衫。儘管遭遇了這番小波折，城城非常淡定在一旁等候，過程中好友Sunny Wong以及不少馬迷爭相除西裝俾郭富城。而已經過一輪交涉後，城城成功入場。最後城城亦並未因此影響心情，就算「舞林密碼」只跑尾3，他在看台上不時與馬迷們打招呼，並在貴賓廳應要求與在場人士合影留念。
網民意見兩極：大讚一視同仁 vs 都無衣履不整
不少網民留言意見兩極，一邊驚訝馬場連城城都無面俾，欣賞馬會咁「一視同仁」「真心保安係做得好，不畏強權」「做得好，一視同仁」「保安阿姐你冇做錯」「百幾年歷史規矩，保持也是對一種文化尊重呀」「學星爺咁，畫返條呔囉！」「郭富城失去了一切 馬會證實了這消息」
一邊網民又認為城城著polo衫都非常得體，而且個個爭住除西裝俾城城已經型晒！「冇著西裝樓啫，佢又冇衣履不整，咁都唔得嘅」「好鬼老套，一年四季都著西裝」「咁真係好影響心情 主場俾人咁窒法」「洗唔洗扮成隻馬先入得場？」「幾多擦鞋仔準備除衫」「周圍啲人爭住除件西裝外套比佢 呢下已經型左，有face 」
