肥媽自爆炒燶科技股蝕半億重回沙巴愛巢觸景傷情「唔敢再講退休」

Q: 還有什麼演唱會消息？

無論是本地歌手還是外地歌手都即將在香港舉行演唱會，即睇： 演唱會時間表及購票資訊 ，包括 MIRROR演唱會門票兌換安排 、 容祖兒 、 鄭秀文 、 張學友 、 鄭中基 、 溫拿 、 羅志祥 等。

Q: 除了演唱會，還有什麼消閒娛樂活動？

喜愛宅在家的話，觀看 Netflix劇集 和 BL劇 最好不過。如果喜歡外出走走的你，也可到這些 室內好去處 室內遊樂場、溜冰場、自助烘焙店等盡玩室內活動。想要親親大自然，也可到離島走一走，即睇： 離島行程攻略 或是行山，這些 行山好去處 路線簡易，新手也適合。

肥媽（Maria Cordero）明年1月27至少28日將會在紅館舉辦個人演唱會《2023 肥媽面對面演唱會》。在接受傳媒訪問期間透露，早幾年炒燶股票，身家由5,000萬輸淨係200萬，虧損足足96%，再加上2017至2020間老公病重，要承擔巨額醫藥費，令到肥媽感嘆地講一句：「唔敢再講退休」。

肥媽沙巴肥媽近日為個唱宣傳的肥媽，受訪時自爆6年前因信朋友，買入科技股蝕近半億，真係喊得一句句。 — 近日為個唱宣傳的肥媽，受訪時自爆6年前因信朋友，買入科技股蝕近半億，真係喊得一句句。（圖片來源：無綫影片截圖）

肥媽喪夫後情緒不穩不再輕言告別

69歲的肥媽(Maria Cordero)於2016年舉行《友誼長存30週年香港演唱會》後宣布正式退休，這6年肥媽經歷喪夫之痛，情緒一度不穩，近年見她出返來表演登台，靠工作有寄託，生活重回正軌，下月27及28日（初六、初七）更重返紅館開演唱會，日前她接受傳媒透問時，表示唔會再輕易講「告別」或「退休」，因為她自爆退休後3年，發生了一件大事，令她覺悟原來個天要佢繼續做嘢，唔可以話告別唔做。

肥媽沙巴肥媽 69歲的肥媽將於年初六及年初七在紅館再開個唱。 — 69歲的肥媽將於年初六及年初七在紅館再開個唱。（圖片來源：IG@mama_maria_cordero）

肥媽沙巴肥媽肥媽今次的紅館檔期將會是繼陳奕迅及MC張天賦後第三人於2023年舉行紅館演唱會。6年前曾公開告別幕前的肥媽，再開個唱票價最高$880。 — 肥媽今次的紅館檔期將會是繼陳奕迅及MC張天賦後第三人於2023年舉行紅館演唱會。6年前曾公開告別幕前的肥媽，再開個唱票價最高$880。（圖片來源：Ma-Maria.com圖片）

信朋友入5,000萬科技股輸剩200萬喊得一句句

肥媽在訪問中自爆當日因為手持4、5千萬現金，所以才告別幕前，點知後來投資失利蝕入肉，老公當時更患重病，最後病逝，肥媽憶述此事時真係喊得一句句，因為信朋友，她入了5千萬關於電燈的香港科技股，朋友仲保證蝕錢會畀返佢，點知最後那位朋友都要破產，根本冇得賠，隻股票最後停埋牌。肥媽好記得當日在無綫錄影節目，睇住股價由8蚊跌到得8毫子，幾日後跌到得8個仙，結果她輸剩200萬，好彩唔係炒孖展，後果更加不堪設想。

肥媽沙巴肥媽肥媽除了投資失利，更花了一大筆錢為丈夫醫重病。 — 肥媽除了投資失利，更花了一大筆錢為丈夫醫重病。（圖片來源：IG@mama_maria_cordero）

投資失利因信錯朋友

肥媽都有講到自己因為信錯朋友而蝕錢，有不少的財經專家懷疑肥媽當初買咗德普科技(3823)，現時已除牌。亦有傳肥媽誤信的朋友是李永生（德普科技前執行董事及前索肖俱樂部主席），他亦於2019年宣布破產。網民看到都指：「輸到仲有得淨算係咁」、「多少友誼能長存」、「投資失利就懶朋友」、「炒股點亂聽人哋講嘢」等。

肥媽「重創」後領悟人生

肥媽蝕入肉後反而變得更積極，她反過來安慰自己不要緊，因為個天給她健康的身體可以繼續工作，而早年她在世界各地投資的物業及鋪位全部都已供滿，雖然損失了近5,000萬現金，但她仍然可以平穩生活，得閒登台表演賺吓錢仲可以做善事。

肥媽沙巴肥媽肥媽不時開直播教人煮好西。 — 肥媽不時開直播教人煮好西。（圖片來源：IG@mama_maria_cordero）

早已寫定平安紙

肥媽原來已寫定平安紙，把海外物業分給孫仔孫女，更慶幸當日低價買樓，打算退休後周遊列國探孫，可惜物業供滿之時，肥媽老公已先行一步，老伴離世後肥媽再也不買樓。由於在外地的孫仔孫女唔得閒返港捧肥媽場，已約定明年2月齊集香港為肥媽慶祝70大壽。肥媽更被好姊妹黑妹爆料，爆她有人追，除中國人竟西人亦有，不過肥媽就耍手擰頭話唔要，因為冇人好得過我老公，對亡夫念念不忘的她，仲話覺得老公與她常在。

肥媽沙巴肥媽肥媽是愛犬之人，每月花在牠們身上的金錢所費不菲。 — 肥媽是愛犬之人，每月花在牠們身上的金錢所費不菲。（圖片來源：IG@mama_maria_cordero）

肥媽沙巴肥媽肥媽與黑妹姐近年拍住上登台搵真銀。 — 肥媽與黑妹姐近年拍住上登台搵真銀。（圖片來源：IG@mama_maria_cordero）

肥媽重回沙巴愛巢觸景傷情

肥媽近日在YouTube上載一段影片，重遊位於馬來西亞沙巴的別墅，肥媽表現得非常感觸，憶述昔日跟丈夫一齊外遊的日子忍唔住落淚。其實肥媽自老公離開後，一度放唔低令情緒困擾，花了一段長時間才能平伏。近月肥媽為無綫真人騷《中年好聲明》擔任評審，看到其中一對相愛廿載的夫妻閃爆全場，肥媽憶起亡夫即場爆喊，仲公開表示：「我同我老公都係咁！」真情流露。