撰文：蘇仔（from nmplus）丨編輯：Yuen丨圖片來源：網上圖片（原文刊於《New Monday》）
1.《寵物小精靈》
《Pokémon Go》令全球瘋狂，可以看得出這套卡通的威力！相信這從此不只是8、90後的童年回憶。「去喇！比卡超」，這句說話正是源於主人小智向其「寵物」比卡超發號司令，叫比卡超向敵人進行攻擊。不論是可愛的「比超」，還是力量更強勁的「雷超」，比卡超的受歡迎程度到現在還是很高。
2. 《美少女戰士》
「美少女轉身變，已變成戰士～」《美少女戰士》相信是很多女生的集體回憶，所以當相隔近17年後再推出的全新日本動畫《美少女戰士Crystal》都有不少人追看，尋找從前要儆惡懲奸的夢想。不過，以前最期待的畫面都係佢哋要變身擊走壞人，每個都有不同的能力，你又鍾情於邊個呢？
3. 《叮噹》（多啦A夢）
無論大家幾多歲，叮噹總有一樣法寶係啱大家用，讀書時候就想有記憶麵包幫助考試，長大後要工作，就想要隨意門可以9秒9即刻回到溫暖的家。不過，這套卡通片最容易表露自己年齡，就係當你叫多啦A夢做叮噹，叫小夫做阿福和胖虎做技安，都唔知要幾耐先可以改到口，可能大家到現在都改唔到口。
4. 《蠟筆小新》
《蠟筆小新》算是十分破格的卡通，而小新經常露出屁股更是其個人特色，年紀輕輕就集超好色、做錯事「賴地硬」的個性於一身，但大家又不會討厭小新，最多是既愛又恨。撒嬌時，其他人又會心軟原諒佢。到現在，佢仍是大眾心目中人氣高企的角色，商品還在不斷地推陳出新。
5.《櫻桃小丸子》
永遠的小學3年級生的櫻桃小丸子，只對著爺爺撒嬌的性格，思想簡單，加上鬼主意多多，令大家一直愛著這個有無限正能量的女生。除了電視播出，小丸子亦有電影版，甚至真人版飾演，相似與否就見仁見智了。仲有不同的展覽喺澳門和香港，大家一齊快啲去搵小丸子啦！
延伸閱讀：7大童年崩壞卡通人物冷知識 小丸子爺爺超腹黑 龍貓係死神？
6.《百變小櫻MAGIC咭》
真係唔認老都唔得，《百變小櫻MAGIC咭》已經20周年，小狼和小櫻更由小學生長大成中學生。不過，小櫻的親切及傻勁，令到人人也想保護佢，仲要集集都有知世幫佢整嘅靚衫睇，小狼和小櫻的兩小無猜，真係集集追住睇！
7 .《咕嚕咕嚕魔法陣》
這套卡通片，竟然令人第一時間想起的是結他他老伯，盞鬼的舞蹈加上其麻甩的草裙妝扮，帶了不少歡笑給電視機前的小朋友。跟其他卡通故事人物設定相似，女主角歌妮性格單純活潑，旁邊就有可靠的朋友仁傑兩脅插刀地相助，並肩上路，唔知大家有冇試過跟歌妮一齊畫魔法陣呢？
8.《忍者亂太郎》
忍者學校內分了女忍者和男忍者，但主要人物還是以男忍者多。新丁流鼻涕、為食的性格、小丸的眼睛銅板化、亂太郎的頭髮已十分吸引，而且學校內的山田老師則神神秘秘，有時又會男扮女裝出現，令人哭笑不得！
9. 《反斗小王子》
邪留丸眼大大，加上小個子，又愛吃布甸的個性，一直覺得其很像《忍者亂太郎》中的新丁，感覺像孖生兄弟。懶惰不想行動時，貴為平安町王子的邪留丸，又會要求和真背著其行走，完全有典型少爺仔的脾性。不過，現在網上經常留傳邪留丸的長大版，大家有冇睇過？
10.《飛天少女豬事丁》
「粉紅粉紅趣致的臉～」女主角變身後「升呢」成豬嘜寶妮，寶妮的造型肥嘟嘟，又傻更更，非常可愛。女主角既有打擊壞人的勇敢，雖然中途又會有錯漏百出，但寶妮必殺技都有好多，大家又記得邊個必殺技？
