《東張》天光墟「發臭三文魚」講足5日 被轟小事化大
近日《東張西望》一連五日都播放葵涌天光墟擺攤賣過期食品的新聞，包括有「填鴨姐」當街擺賣凍肉、麵包等食物；「刺身姐」賣過期刺身，並重新拼砌成壽司出售。主持黎寬怡趁「刺身姐」不為意時翻查垃圾袋，發現裡面的三文魚散發惡臭，甚至有蛀蟲出現，畫面非常噁心。
打人重點遲遲唔肯播 消耗觀眾耐性
每集《東張西望》播到最後都會反復播出攝製隊被打的場面賣關子，足足播足五日都未有打人場面正式播出，不停消耗觀眾耐性，睇到網民都好反感！
網民怒斥：帶有正義名號嘅私怨
網民認為《東張西望》最近的採訪方法越變越偏激，認為《東張西望》根本為炒新聞而炒新聞，並沒有真正想解決問題的心：「日日好似狗咁追人 煩住曬」、「雖然佢地大多數搞果D都係X人 但有時佢地採訪個手法真係好易搞到人地打X佢 好似上次搞個露體阿伯咁，個阿伯都知醜識走正路黎講應該勸喻叫佢下次唔好咁做，但個記者就死JER住問都唔知想人地點答 俾我感覺而家個節目係為左炒話題炒花生多過解決件事」、「帶有正義名號嘅私怨 冇得輸」等。
同時亦有網民認為，會在場買賣過期食品都是你情我願，根本不值得拖長來播：「其實做得過火咗啦, 明買明賣, 佢有冇逼人買, 買得呢啲都係窮人啦點會唔知個風險」、「係囉，不斷追問人，有邊個唔想食好野，就係無錢先要迫住買呢d野食，有錢就唔洗執執垃圾賣啦，返屋企睇電視唔好咩」等。
「東張」攝影師遇襲毀攝影機 2男女被捕
另一方面，上月16日警方接獲無綫電視節目《東張西望》一名攝影師的報案，表示在葵涌德大徑的一間超級市場與一男一女發生衝突，期間遭到襲擊並且攝影機被損壞。警員接報後迅速到場調查，最終拘捕了一名70歲男子，涉嫌刑事毀壞及襲擊致造成身體傷害；同時也拘捕了一名66歲女子，涉嫌普通襲擊。
採訪「露臀跑步伯」惹熱議 網民：根本就係挑釁
《東張西望》早前曾經報導一位阿伯在球場跑步的事。李鄭屋邨有街坊文先生表示與太太一星期2、3天到球場做運動。早上十一點左右，經常看到一位跑步的阿叔，該名阿叔不止剝去上衣那麼簡單，還把短褲褲腳越摺越高，褲腰也往下拉，街坊形容條短褲比3角褲還要低，基乎露出整個「八月十五」，有感不適，特別是文先生的太太不敢直視。
文先生還表示球場附近就是學校，都有不少學生會經過，認為該名阿叔是「變態」《東張西望》帶攝製隊去找該名阿叔，阿叔到球場後便開始脫衣熱身，然後在32度的高溫下，跑了整整45分鐘，而且隨著跑步的進行，他的短褲逐漸變得更短，真的像文先生形容，露出一大個「八月十五」。
有網民認為《東張》今次過份挑釁有反感
有網民認為阿叔都不是變態，只是想喜歡曬太陽，而且已專去了比較小人的公園，又會留意身旁有沒有人經過，認為《東張》派出女同事有點過份挑釁人，令人反感「太低俗」、「個阿叔係唔啱，但東張今次有少少過份咗」、「東張呢啲報道手法唔係咁好」、「個女人同個主持以為好好玩咁」
亦有人指：「香港冇合法天體既地方好落後」、「人地露唔代表俾你影喎」、「睇完覺得佢淨係唔想曬到兩截色」、「個阿伯都有啲慘，佢都係me time 曬下太陽，被人係咁追住影」；另有人讚節目組夠勤力：「俾個Like記者們 體能好好」、「這個節目 可以播多D」、「採訪好搞笑」
