撰文：東方新地｜圖片來源：《中女唔易做》、ViuTV
《中女唔易做》朱薰在節目中坦承唔想被標籤做中女，但當想到已是兩孩之母，又不得不承認。朱薰大談中女的價值，她認為女人到某一個年紀又未婚，未必是壞事，因為可以得到單身的自由同快樂。
《中女唔易做》朱薰指十年來冇好好瞓過一覺
朱薰話：「如果到依家我未結婚未有小朋友，我諗至少可以瞓多過依家，唔使每日瞓得三、四個鐘咁慘﹗」朱薰感觸表示這十年未有真正好好瞓過一覺，身型亦因生完後未有好好調理而走樣，令她回想單身的自由﹗
朱薰指她的人生格言是「盡做」，所以無論工作家庭都會盡做，朱薰解釋為何長期缺乏睡眠，她指老公態度比較輕鬆，對教育照顧仔女可以置身事外，故她要「一腳踢」。
朱薰爆喊：「點解做媽媽咁難㗎？」
朱薰又指在疫情期間，既要陪子女在網上上課，之後再急急返電台，回家後邊食飯邊檢查子女功課，待子女睡覺，她又要繼續工作，朱薰講到忍唔住喊：「等佢哋瞓晒，我就要做番之前未完成嘅工作，有一次做到第二朝早六點幾，當時真係忍唔住喊，會問點解咁㗎，點解做媽媽會咁難㗎？」朱薰情緒激動要停機中止拍攝，鏡頭後朱薰仍未平復：「我每次講都忍唔住﹗」
朱薰同老公譚健榮今年結婚十一年，二人育有8歲大仔譚永之及5歲細女譚在之。朱薰同事兼好友小儀亦大讚朱薰係三項鐵人，對DJ、老婆、媽媽每一個崗位都力求完美，做到最好，小儀坦言好佩服﹗
