神徒感到極其榮幸 洗版留言支持教主
有關MV Teaser Video將於1月19日8點發布，歌曲延遲一日於1月20日凌晨零時上架，MV則在1月20日晚上9時首播。消息傳出後成為網絡熱話，幾乎橫掃社交網絡。Anson Lo的粉絲「神徒」四出留言支持偶像，洗版式表示期待Anson Lo傳承哥哥的作品。有支持者認為，Anson Lo無需刻意和哥哥比較，應以自己風格演繹，傳承歌曲的精髓。
網民反應不一 認為教主摧毁經典
消息成為熱話後，同樣有反對聲音流出，不少網民在社交網站發表自己的心聲：「又嚟摧毁經典⋯哥哥同你冇仇冇怨就唔好搞佢啦」、「又搵哥哥過橋」、「示範用人聲演繹二胡聲？」有神徒對於偶像被攻擊感到不滿，紛紛留言指出網民不應該未審先判，歌曲還未面世，便一面倒認為教主摧毁經典。
認為MC翻唱較合適 指MC較有星味
同樣有網民留言指出，MC不羈的感覺強烈，相比教主更適合唱出歌曲的精髓，認為MC擁有較強烈的星味，加上「偷情」二字與MC很合襯。
張國榮原唱MV當年陣容強勁
《REMEMBERING LESLIE》大碟收錄歌曲由年輕歌手翻唱哥哥的作品，Anson Lo演繹的《偷情》原收錄於張國榮在1996年推出的《紅》大碟，MV有莫文蔚及黃家諾登場，陣容強勁。而《紅》大碟還收錄了《有心人》、《怪你過份美麗》和《不想擁抱我的人》等經典作。
YouTube Channel難聽歌手俱樂部Anson Lo贏到開巷
坊間有網民自發搞了一個YouTube頻道名為《難聽歌手俱樂部》，在上月（30日）時選出了「專業推介難聽十大歌曲」、「年度難聽男女歌手」和「年度難聽組合」，男子組合Mirror 中的Anson Lo贏到開巷，除了憑 《King Kong》勇奪至尊「難聽」歌曲大獎外，個人亦成功搶走「年度難聽男歌手」獎，呢份「難聽」成績表出爐後，有勁多網民留言熱議。
《難聽歌手俱樂部》成樂壇判官
YouTube頻道《難聽歌手俱樂部》專門對本地歌手的歌藝作出批判性的評論，有時更會剪輯歌手翻唱的片，與原唱的演出作為對比，近日除了選出「難聽翻唱男女歌手」，昨晚更推出新片，選出「專業推介難聽十大歌曲」，得獎名單如下：
「專業推介難聽十大歌曲」
第10位 Innerspace / Mirror
第9位 Call My Name / Collar
第8位 漸漸地 / 吳啟洋
第7位 焰 / 炎明熹
第6位 N.F.T./ 林君蓮
第5位 馬路英雄/ 袁偉豪
第4位 My1stCar / 施匡翹
第3位 日Chut Dick缺口/ ByeJack
第2位 鏡中鏡 / 姜濤
至尊歌曲大獎 King Kong / Anson Lo
「年度難聽男歌手」Anson Lo
「年度難聽女歌手」鍾舒漫
「年度難聽組合」Collar
Anson Lo實至名歸？
識睇梗係睇留言，呢個「專業推介難聽十大歌曲」一出，引來網民舉腳留言認同，當中很多留言都一針見血絕對貼地。「香港樂壇嚴重扭曲，男子天團連基本唱功都練冇練好，跳舞亦唔出色，但就被媒體捧到想天」「聽Anson Lo唱歌想叫救命，虐待耳朵」「最後Anson Lo嗰段尷到……」「首King Kong好似大半首都係播backing vocal，其實佢有冇唱？」「至尊歌+ 男女組合獎都係眾望所歸，無令人失望」「鍾舒漫一開始嗰句『再度作俘虜』太經典」。
《難聽歌手俱樂部》的「成績表」準則：
《難聽歌手俱樂部》這個頻道絕對是認真製作，把樂壇箭靶一一抽出來，「專業推介難聽十大歌曲」候選名單超過50首，當中入選難聽歌曲全部都是題材尷尬或聽唔明歌手唱什麼，至於排名亦講明不用太認真。呢個YouTube頻道學人搞頒獎禮，係咪真係實至名歸大家心裏有數，最後咪得啖笑。
橫掃難聽樂壇大贏家
《難聽歌手俱樂部》早前亦選出「男歌手難聽翻唱」和「女歌手難聽翻唱」，同樣引來一場腥風血雨的網民留言，句句絕核抵死，就連難聽翻唱都有Anson Lo同鍾舒漫份，今次佢哋仲唔係大贏家。
「男歌手難聽翻唱」
《必殺技》（喊版）
原唱：古巨基
翻唱：吳保錡
《三生有幸》
原唱：鄭中基
翻唱：Anson Kong江熚生
《記憶棉》
原唱：MC 張天賦
翻唱：Gareth T
《浮誇》
原唱：陳奕迅
翻唱：張智霖 ＆ 陳小春
《唱這歌》
原唱：郭富城
翻唱：Anson Lo
難聽翻唱中的極品
明明大家都係dancer出身轉型做歌手，點會估到27歲Anson Lo 會跳輸畀57歲郭富城，除咗一地眼鏡之外，仲被網民投訴製造噪音：「希望Anson Lo唔好再製造噪音去污染香港樂壇」「城城係AL呢個年紀好屈機，即使今年大AL30年仍然keep得好好」「城城呢個年紀仲跳唱贏過好多後生仔」「唱到好似基佬俱樂部咁，姣到出汁做乜？」「「X㾗就睇醫生」。
