巾幗梟雄之懸崖丨陳曉華因1事追住羅天宇恰
陳曉華與羅天宇在劇中飾演重逢嘅青梅竹馬戀人，所以在會有唔少深情對望嘅畫面。雖然2人在劇中有唔少濃情蜜意嘅場口，但2人私底下就似足歡喜冤家！
幸福羅天宇慘成陳曉華整蠱對象
陳曉華仲搞笑表示羅天宇係自己嘅整蠱對象：「因為佢好搞笑，之前佢買咗件外套係啡色嘅，我成日笑佢著呢件衫好大個，咁佢每次都會跑走，我就一路追住佢嚟笑，到依家都未摵甩呢個習慣。」
羅天宇孖陳曉華陳楨怡共譜三角戀 呻與女神談情遇1困難
羅天宇在《巾幗梟雄之懸崖》中與識於微時的桂花香（陳曉華飾）有段情，不過就會被程咬金寧俐（陳楨怡飾）挑撥離間！羅天宇仲大爆與2位女神嘅感情戲真係一啲都唔容易：
「我哋有個小三角戀，而同佢哋拍談情戲，高度係最大問題！因為我個角色成日著啲鞋都冇乜底，佢哋兩個本身已經好高，加上佢哋個角色成日要著高踭鞋，佢哋又勁瘦，企喺佢哋側邊，Suppose我個角色要好有型架嘛，但畀佢哋搞到好似矮仔咁。」
羅天宇首挑戰動作戲
羅天宇在接受訪問時分享了他在《巾幗4》中的新挑戰和經歷：「我入行16年喇，最近每年專訪講新目標，我都會話好想試拍打鬥戲。細個睇葉問、黃飛鴻、李小龍已經好鍾意，所以一路都好期待拍，去到今次真係有機會接觸，真係好開心。初初聽故仔話我個角色槍法好好，仲以為唔使點打，點知唔係，原來我咁就做咗『動作擔當』！」
巾幗梟雄之懸崖丨陳曉華年青選角撞樣呢位小花
陳曉華同羅天宇嘅角色均有年青版，劇組仲透過內地經理人公司作出多輪篩選，過程可謂超級嚴謹！而劇中飾演年青版羅天宇的內地演員張洛齊其實與本尊都頗為相似，尤其係2人憨直嘅神態，十足複製咁！而飾演曉華童年版的賀楚清就與本尊一樣咁有氣質，而且唔少角度睇落仲與蔣家旻有幾分相似！
