01 | 杯緣子展 in 台灣
杯緣子令扭蛋熱潮再次流行，呢個藍色裙嘅OL動作搞笑又新奇，絕對娛樂到男女老幼！今次嘅展覽同樣適合一家大小去，「杯緣子展 in 台灣」將會公開許多典藏原畫以及歷代杯緣子模型。
現場將會展示多幅作者珍藏的手繪原稿，入場觀眾可以一探杯緣子嘅誕生過程。另外大家都會見到身穿制服套裝、綁著雙馬尾嘅杯緣子出現在日本辦公室、東京鐵塔、澀谷十字路口等各種不同場景，到時可以同杯緣子一齊出走東京！各位粉絲們要把握機會啦！
喺12月23日前可以用優惠價NT. 180元購買早鳥單人票，所以聖誕節會去台灣出遊嘅杯緣子粉絲們，緊記早啲買飛啦！
「杯緣子展 in 台灣」展覽
票價：NT. 180元（約港幣44元）NT. 280 元（約港幣68元）
日期：2016年12月24日－2017年2月12日
時間：11:00～19:00（除夕休館 / 18:30 停止售票及入場）
地點：三創生活園區12樓（台北市中正區市民大道三段2號）
02 | Joan Cornellà: A Solo Exhibition 台北特展
早前西班牙黑色幽默畫家 Joan Cornellà 喺香港舉辦咗展覽，錯過咗嘅朋友唔洗灰心！因為嚟緊台灣都會有佢嘅展覽啊！由 11月尾開始， Joan Cornellà 會喺台灣進行為期17日嘅展覽，今次會展出 Joan Cornellà 的限量油畫、插畫作品。
Joan Cornellà 之所以咁受歡迎喺因為佢嘅作品大多數都充滿黑色幽默，每位主角都掛著同樣的「Fake Smile」，簡單地畫出超現實又吊詭嘅故事劇情，令佢嘅作品深受世界各地粉絲嘅喜愛。
Joan Cornellà: A Solo Exhibition 台北特展：
票價：NT. 200元（約港幣49元，現場售票）
日期：2016年11月25日－2016年12月11日
地點：華山1914文創園區中5B鍋爐室（台北市中正區八德路一段1號）
時間：星期一至星期日 10:00－21:00（20:00停止售票及入場）
03 | 阿凡達：探索潘朵拉世界特展
占士·金馬倫執導的荷李活巨作《阿凡達》（Avatar）上映後，在全球影壇掀起一股3D熱潮，頂尖的3D技術也讓觀眾對「潘朵拉星球」上，各種華麗的自然景緻和奇異的生物十分著迷，所以活動供應商Global Experience Specialists（GES）打算與野獸國合作，由2016年12日7日起舉辦為期三個月的「阿凡達：探索潘朵拉世界特展」，選擇了台灣為世界巡迴的首站。
GES創意團隊希望將電影入面嘅奇觀真實地呈現在觀眾眼前。「阿凡達：探索潘朵拉世界特展」將會重現電影中各種絢麗場景，並打造許多一比一外星生物，觀眾可以親身體驗潘朵拉星球嘅壯觀。觀眾亦可以在展覽中認識納美人嘅文化、語言及音樂。除此之外，全新的互動式展覽令觀眾可以同靈鳥互動、仲可以學習如何操作武裝移動平台裝甲衣?！真喺未出發先興奮！
阿凡達：探索潘朵拉世界特展：
票價：全票NT. 380元（約港幣92元）親子票NT. 600元（約港幣146元）
日期：2016年12月7日－2017年3月14日
時間：11:00～19:30（週五、六 11:00～22:00）
地點：新光三越信義劇場6樓A11（台北市信義區松壽路11號）
04 | 夢工廠動畫特展 DreamWorks Animation: The Exhibition
除咗有明星妖怪史力加之外，仲有熊貓阿寶同一班荒失失朋友，展覽會展出從未曝光的概念圖、模型及原創作品，仲有期間限定阿寶Cafe，粉絲朝聖必去！
票價： 全票NT300元（約港幣73元）優惠票：NT260元（約港幣64元）特惠(長者)票：NT150元（約港幣37元）
未滿 3 歲或身高 90 公分以下幼兒免費
日期：2016-10-29(六)~2017-02-05(日)
時間：週一至週五09:00-17:00；週六、週日、國定假日與寒假期間09:00-18:00
地點：國立台灣科學教育館 7樓 (111台北市士林區士商路189號)
05 | PIXAR三十周年特展
當日25周年展喺香港舉行，而今年就移師至台灣！五年過去，新增手稿除咗勇敢傳說之幻險森林同恐龍大時代，仲有近年大熱嘅玩轉腦朋友同海底奇兵2！五年一度，記得去喇！
票價： 全票NT280元（約港幣68元）學生票NT250元整（約港幣61元）幼童票NT180元（約港幣44元）愛心(長者)票NT140元（約港幣34元）
身心障礙者，未滿 3 歲或身高 90 公分以下幼兒免費
日期：2016-11-11~2017-02-12
時間：上午10時~下午6時(週一照常開放，除夕休館)
地點：國立歷史博物館
06 | 神偷奶爸邪惡製片廠展銷會
壞蛋獎門人深受男女老幼喜愛，最可愛嘅絕對喺黃色一粒粒嘅minions，簡直喺史上最成功跑出嘅配角，後來仲有專屬minions嘅電影?！呢股旋風今次捲到去台灣，一於喺花博公園舉辦展銷會，展覽正式開始之前仲有一系列嘅造勢活動，包括快閃影相同萬聖節搞搞陣！
在12月15日前可用優惠價NT. 180元購買早鳥單人票，仲會送一個超可愛minions購物袋，minions的粉絲絕對不能錯過！
神偷奶爸邪惡製片廠展銷會：
票價：NT. 280元（約港幣68元）
日期：2016年12月15日－2017年2月26日
時間：10:00～18:00（週一至週日）
地點：花博公園爭艷館（台灣台北市中山區玉門街1號）
07 | 熊好來逗陣展
熊本熊俾人印象一直都喺抵死又可愛，搞展覽又點少得佢！今次展覽名用咗「熊」嘅台語諧音，熊本熊仲要負責介紹佢家鄉熊本縣?！展覽分成三個部分，分別有「認識熊本縣」、「漫步熊本縣」同埋「喔熊友好台灣感恩之旅」。喺12月17日前可用優惠價NT. 180元購買早鳥單人票，如果咁啱呢段時間去台灣，不如去試下有冇機會見到熊本熊真人啦！
熊好來逗陣展：
票價：NT. 180元（約港幣44元）NT. 280 元（約港幣68元）
日期：2016年12月17日－2017年3月12日
時間：10:00～18:00（17:30停止售票及進場）
地點：松山文創園區二號倉庫（台北市信義區光復南路133號）
08 | 妖怪手錶特展
早前引起一時熱話嘅妖怪手錶今次都會喺台灣進行展覽，觀眾可以化身主角景太，由動畫故事踏入實際體驗，進入妖怪世界親身經歷經典場景，各種妖怪角色包括「吉胖喵」、「小石獅」兄弟、「威斯帕」等等仲會喺現場亮相?！同小朋友一齊去就最適合啦！最近已經開始咗一系列嘅見面會啦，有興趣嘅朋友就要密切留意佢哋嘅官方Facebook啦！
妖怪手錶特展
票價：單人票NT. 300元（約港幣73元）幼童票NT. 230元（約港幣56元）
日期：2016年12月24日－2017年3月12日（除夕休館一天）
時間：10:00～18:00（17:30停止售票及最後入場時間）
地點：華山1914文創園區 中4B館（台北市中正區八德路一段1號）
