到台中玩不一定要攀山涉水翻阿里山日月潭，只需從機場搭車約半個鐘，即可抵達台中市區搵好嘢食！這裡有齊夜市商圈Café，但又唔似台北咁擠滿遊客，來覓食唔使人迫人。但台中市餐廳小店分散，點揀好？畢竟胃容量有限，唔想浪費quota，就必讀今次覓食攻略！以下 4 家 台中美食 店 ，全部在網上擁有高人氣，值得一試！
圖片來源：新傳媒資料庫
01) 1 小時賣光！矜貴法國蛋糕
一早起身要做的事唔係食早餐，而係尋找台中現時最紅的甜品！CJSJ 蛋糕店剛開業 2 個月，已擁有超高人氣，買件蛋糕都要大排長龍！由兩位曾於巴黎 5 星酒店任職的夫妻主廚親自炮製，招牌水果蛋糕靚到似藝術品。
CJSJ 蛋糕店
營業時間：周二至周五 11am到售完；周六、日 12noon到售完
地址：台中市西區向上路一段 79 巷 72 號
交通：從台中火車站乘的士 10 分鐘
02) 軟滑珍奶雪糕 配爆漿鯛魚燒！
台中是珍珠奶茶發源地，推介大家這間這間珍奶雪糕店！這店在FB有 2 萬幾個like，去到果然人頭湧湧！雪糕口味超多，有抹茶、芒果、木瓜奶等，但每日只供應 2 款口味。
金帛霜淇淋專賣店
營業時間：1pm-9:30pm
地址：台中市北區三民路三段 201 巷 14 號
交通：從台中火車站乘的士 10 分鐘
03) 甘甜仙草抹茶刨冰 | 潮版日系涼粉
仙草即涼粉，有咩特別？這間仙草專賣店的涼粉，像圖中這份仙草甜品，配有涼茶味刨冰清熱下火，而且味道甘香唔覺苦，更配有大量甜紅豆、抹茶雪糕和小碟凍芋圓，店舖走無印風，好好坐！
神仙草專賣店
營業時間：1pm-9pm
地址：台中市北區健行路 690 號
交通：從台中火車站乘的士 15 分鐘
04) 古早味！蛋餅界女神
台中蛋餅一街都係，但這家台式早餐店的蛋餅賣相特別靚，即叫即做，老闆娘更細心將蛋餅排成 S 形上碟，用 Hello Kitty 碟裝，好靚！店內有多達 148 款台式傳統美食，如手抓餅、鐵板麵、豬血湯等，但最出名都係蛋餅。另建議大家試薯泥沙律，薯仔內夾集住粟米蔬果，清新好吃。
