小丸子又有新事！台北首間官方授權 小丸子餐廳 ，好快正式開業，睇完環境（詳情參閱：國父紀念館旁！海外首家 櫻桃小丸子KITCHEN 進軍台北）今次睇睇有咩食先！餐廳強調菜式全部台灣店自家創作，跟日本店完全不同！目前總共有10多款主菜選擇，以3年4班的朋友仔作設計靈感，好似大家熟悉的丸尾、花輪、永澤及野口同學，都會化身菜式俾你吞落肚！
必點菜式01－－「在泡湯的永澤」！
最欣賞梗係呢款「在泡湯的永澤」，菜名有詩意造型又抵死，原個洋葱入面仲有洋葱型蘿蔔，只怪永澤同學的洋葱頭深入民心！花輪同學就有兩道龍蝦菜式，夠晒高貴奢華呀baby，橙色襯足佢髮型。我覺得仲可以無限創作出燒玉子、豬太郎火鍋、雜果賓治、野口紫薯特飲、友藏鵪鶉蛋串燒等等新菜式…（純粹亂吹）
由於以上只是官方提供試菜版本，Fans都在猜想，這個菜式到底是否會像東京小丸子餐廳一樣，在最後加上永澤的五官上去，若然能照樣泡製的話，可觀呈度必定倍增！（詳情請參考之前的文章－－小丸子迷必去東京cafe！永澤同學化身洋蔥湯？！？(附週邊小丸子商品攻略)）
東京版的永澤是這樣的：
必點菜式02－－「小丸子造型慕斯蛋糕」！
餐廳內有多款以小丸子造型的餐點，包括紫菜扮成頭髮的小丸子飯糰，不過最受少女心歡迎的，似迷還是這款小丸子造型慕斯蛋糕！售價 TWD250/HK$62。
必點菜式03－－花輪少爺龍蝦艦艇
餐廳以日式洋食為主，更新增日本大熱的排隊美食，好似龍蝦包及炸牛扒等，都是台灣店獨有！絕對不止卡通造型，意粉＆龍蝦艦艇落重本！少爺的口味十分高格調！
必點菜式04－－彩虹糖果沙冰
飲品同曝光！這杯綜合莓果法布似乎甜度十足 #_#
最新消息：試運訂位爆滿！電話&網站統統癱瘓
小丸子餐廳 實在太受歡迎，未開業人流已谷爆訂位網頁，電話網站統統癱瘓。一枱難求，不少粉絲失望而回、投拆無門，大家想試試就要密切留意fb及官網公佈啦。
櫻桃小丸子KITCHEN
地址：臺北市信義區逸仙路42巷9號1樓
電話：+886-(0)2-8786-2727
營業時間：10am-10pm (9月10日開幕)
交通：捷運國父紀念館站 4 號出口
網址：facebook.com/chibiraukochankitchen