文：Cynthia｜圖：Fion、相關機構
記者直擊！東瀛遊插旗 大阪開酒店
位於大阪惠美須町的「OSAKA HINODE HOTEL 逸の彩」，是EGL東瀛遊首間斥資建造的酒店，因為東瀛遊發現香港人特別熱愛去大阪旅行，但當地酒店供應不足，很難訂房，因此決定自己開一間新酒店，酒店剛於11月22日開幕，記者親身試住，即睇以下住後感。
勁多免費貼心服務 迎合港客
與一般商務酒店不同，「逸の彩」大sell免費，酒店提供各種免費服務，設施應有盡有，就連Wi-Fi蛋都可以免費提供畀住客，唔想浪費金錢，就要睇清楚有咩服務可以享用喇！
免費位1：宵夜放題 任食拉麵
每晚10至11點，酒店大堂即會大排長龍，因為有完全免費的宵夜放題！宵夜放題提供的食物一點也不吝嗇，有即叫即煮的拉麵，完全不限碗數，可以食完一碗又一碗！
拉麵由熟手的師傅即叫即煮，麵條彈牙，湯底喝起來十分濃郁，加上肥瘦恰到好處的叉燒，蔥仲係任加，夜晚食一碗實會好溫暖！
免費位2：宵夜時段 酒精任你飲
除了拉麵之外，每晚10至11點提供好多酒精免費任飲，酒類包括啤酒、燒酒、清酒，仲可以自己溝果汁酒，難怪每晚大廳都集合大量人群，十分熱烈。每次一飲完，職員都會迅速補貨，不怕喝得不夠盡情。
免費位3：24小時飲料吧
大廳設有24小時的飲料吧，可以無限沖製咖啡、熱茶，飲果汁、汽水都可以任飲，就算係半夜想沖杯麵，但又怕酒店的熱水壺唔夠乾淨都冇有怕，大堂都有熱水畀你任沖！
免費位4：任攞日用品
女生如果著重護膚，或者忘記要帶護膚品、爽膚水等去旅行，可以去大廳任攞洗臉奶、爽膚水、lotion、髮膜、頭髮橡筋等等，非常貼心。而酒店更有單車、嬰兒車等免費借用，方便到可以咩都唔帶就可以去旅行！
免費位5：借用Wi-Fi蛋
為了滿足遊客，酒店更提供不少貼心的免費服務，包括免費的Wi-Fi蛋租用，限量100個，採先到先得制，冇得預約，想租用就記得早點去前台！記者實測用足一日都唔使充電，而且就算已經checkout，都依然可以租用埋當日，回酒店取篋時歸還，超級方便！
免費位6：日本文化體驗
「逸の彩」酒店每一日都有不同的日本文化體驗，全部免費，適合想了解日本文化又不想日日跑行程那麼累的人！每天的下午5-6點都有拉麵製作堂、星期一、三、五的和服體驗、星期二的章魚燒、鯛魚燒堂等等，活動十分豐富。
免費位7：超豐盛自助早餐
酒店提供的早餐超級豐富，包括溫泉蛋、乳酪、韓式泡菜、三文魚、沙律吧、熱湯、納豆，甚至西式的煙肉、麵包等等，由朝早6點半供應至10點，食飽先出發玩大阪！
地點便利 鄰近設施齊全
東瀛遊開的酒店，當然了解香港人的需要，另一大優點就是地點超級方便，距離車站惠美須町駅5號出口只有近1分鐘步程距離，基本上一出車站行兩步就會見到酒店，每日出遊、回酒店都非常方便，1小時內就可以到達關西機場，可以玩盡每一分鐘！
酒店被FamilyMart及Lawson兩間便利店包圍，右側就是24小時營業的超便宜玉出超市，可以大掃熟食、壽司、杯麵、薯片等等，就算來不及買手信，都可以在走之前掃貨！對面就是港人每次去日本必吃的「松屋」牛丼店，另外還有營業至凌晨的拉麵店，完全不用怕肚餓！
對於遊客來說最方便的，就是接近很多著名的景點，包括5分鐘就到的通天閣、15分鐘到達的黑門市場等，去核心景點難波、心齋橋亦只需坐2個站，以地點來說很方便！
日式設計 勝在細節
記者踏入酒店的第一個感覺，就覺整體設計十分日本，酒店外面採用了京都祗園設計，大堂的天花、前台的織布背板，甚至採用了琉球榻榻米的地板，以及和式花紋的牆紙等等，每個細節都花了心思。
貼心位1： 睡眠三寶
每一張床都會配備兩個枕頭，其中一個是11cm，仰臥瞓的人會較適合，而習慣打側瞓的話，則可以用另一個14cm的枕頭，枕頭一邊是軟，一邊是硬的，為不同需要的客人設計，十分貼心。
而床的軟硬程度亦經過研究，酒店發現在1至10度之間，最多人喜歡7度的軟硬感，而每張床褥都鋪上了記憶棉，瞓覺都會特別舒服。棉被則特別挑選了鵝絨被，冬暖夏涼，蓋在身上又不會太重！
貼心位2： 特大雪櫃放水果
一般酒店的雪櫃都係細細個，畀你放多兩支水就會滿，但去到日本點會唔買水果食！「逸の彩」房間內的雪櫃比一般的大，可以容納一個大大的蜜瓜，想雪住先再攞返香港都冇問題！
貼心位3：中、英、日、韓職員幫助
去日本最怕言語不通，「逸の彩」的大堂每日都會有不同語言職員當值服務，無論是問路，還是請店員幫手訂餐廳都冇問題，好樂意服務！
明年加設 5層溫泉
「逸の彩」酒店現時已經可以訂房入住，同時酒店旁正在興建一間5層高的溫泉旅館，第一層是gym room，第二層是男士大浴場，三樓是溫泉大浴場，另外更有15個房間，用來租借浸溫泉。旅館預計將於2018年11月完成，之後入住就可以在市區內盡情浸啦！
東瀛遊 大阪 酒店 各種套票優惠
套票01：聖誕旅行團
做開自由行套票、旅行團的EGL東瀛遊，更結合「逸の彩」酒店推出旅遊套票，以聖誕旺季來說，5天團包國泰機票、住宿、LEGOLAND、環球影城門票等等，只需HK$6,720，可以玩埋嵐山、奈良、京都地下街等熱門景點，一家大細去唔使煩！
套票02：機票連住宿
東瀛遊亦與Peach合作，推出3日2夜酒店套票，雙人大床房包早餐，每位是HK$2,788，優惠期至2018年3月24日，想自由玩唔想跟團的話，亦是一個好選擇。
套票03：淨房價優惠
只想訂房的話，目前無法直接去東瀛遊分行訂房，一定要於網上訂購，雙人房double room價錢為HK$952起(以Agoda房價為準)，如果新年想同家人一齊去旅行，不妨早啲去訂啦！
OSAKA HINODE HOTEL 逸の彩
地址：大阪市浪速區惠美須西1-2-10(顯示地圖)
電話：+81(0)6-7777-9789
房價：雙人房HK$951起(不包早餐)
網址：hinode-h.com/tc/
交通：地下鐵堺筋線，從惠美須町站5號出口步行1分鐘
延伸閱讀：性價比極高！$1,300入住大阪天然溫泉酒店
簽帳即享1蚊1里加抽獎送機票！全新DBS Black Card信用卡優惠即睇詳情！
成功申請DBS COMPASS VISA即送你ELLE Vortex 24吋鋁框行李箱，詳情按此！
延伸閱讀：【大阪美食懶人包】2017 梅田 14 必吃食店 + 4 大商場（含地圖）
最新的日本入境要求詳情？
在入境日本前，建議先用Visit Japan Web完成一部分檢疫手續，便能更快速地入境日本，即睇使用教學，例如註冊步驟及同行家人如何填寫等，以及買定日本電話卡。
大阪有什麼好去處及景點推介？
大阪自由行必去這些景點，當中包括USJ大阪環球影城，即睇USJ門票及交通攻略。然而，去旅行怎可忽視美食部分？必到這些人氣美食餐廳，當中更有蟹宴放題、平價米芝蓮餐廳之選。另外，不得不到溫泉旅館/按摩店、溫泉主題樂園、全新門真大型三井Outlet商場及臨空城OUTLET。準備到日本賞櫻花的大家，可預先一看日本櫻花花期預測。
