圖片來源：新傳媒資料庫
01. 着住和服去 high tea 長樂館
長樂館就位於清水寺周邊，中山山腳嘅圓山公園入面，係明治時期煙草大王村井吉兵衛所建嘅別墅。呢度作為 京都 嘅迎賓館，曾經接待唔少國內外嘅知名人士！建築內部採用奢華浪漫嘅凡爾賽風格，入面有6間客房，呢度都以下午茶聞名，尤其日本嘅貴婦鍾意着住和服嚟呢度食個下午茶。
02. 影相熱點 伏見稻荷大社
呢度係日本 3 萬間稻荷神社嘅總本宮神社。稻荷神係日本神話入面嘅穀物同食物神，主管豐收，狐狸被視為祂嘅使者。大社連接成座稻荷山，山腳至山頂嘅路上豎立幾千座鳥居。伏見稻荷大社以鳥居聞名，本殿與鳥居的顏色都係統一嘅紅色。呢度全天候免費開放，係徒步者最熱愛嘅京都景點之一。
03. 一次過滿足你勁多願望 JR京都伊勢丹
作為1間百貨公司，JR京都伊勢丹 除咗有嘢賣同有各式各樣嘅餐廳之外，食飽都有好多景點！大家可以去空中徑路漫步、美術館「EKI」參觀參觀，9 樓仲有和服販售及浴衣着裝服務，每年到 5 月中後，就會有夏季浴衣賣，大家又可以着住靚靚浴衣參加煙火大會影靚相！
至抵小貼士：依家去JR京都伊勢丹用Visa卡購買免稅商品消費滿50,000円（不含稅），即可獲贈價值1,000円的三越伊勢丹集團禮券！
04. 夜間光之庭園 青蓮院
坐落於東山區，青蓮院係1所日本佛教天台宗寺院，以 300 盞 LED 燈所構成，以象徵微熾盛光如來「光」嘅夜間光之庭院而聞名。每年嘅春秋兩季，院內都會由傍晚開始喺地面亮起燈光，營造1個幽幻嘅夜間光之庭園，好浪漫呢！
05. 又見櫻花 哲學之道
位於京都大學東側，長 1.8 公里，連接銀閣寺同南禪寺，途中仲會經過法然院等。哲學之道嘅名來源於京都大學哲學教授西田幾多郎每日喺呢度冥想而得。哲學之道同琵琶湖疏水並行，春天時節，呢度都係著名嘅賞櫻處嚟呀。
最新的日本入境要求詳情？
在入境日本前，建議先用Visit Japan Web完成一部分檢疫手續，便能更快速地入境日本，即睇使用教學，例如註冊步驟及同行家人如何填寫等，以及買定日本電話卡。
大阪有什麼好去處及景點推介？
大阪自由行必去這些景點，當中包括USJ大阪環球影城，即睇USJ門票及交通攻略。然而，去旅行怎可忽視美食部分？必到這些人氣美食餐廳，當中更有蟹宴放題、平價米芝蓮餐廳之選。另外，不得不到溫泉旅館/按摩店、溫泉主題樂園、全新門真大型三井Outlet商場及臨空城OUTLET。準備到日本賞櫻花的大家，可預先一看日本櫻花花期預測。