日本街頭嘅汽水機大部分嘅消費大概要 100円~150円不等，住宅區內亦設有 50円汽水機售賣迷你罐裝飲品。但大家又估唔估到，原來喺日本某個角落只需付出 10円就可以買到一枝飲品⋯⋯

係！你冇睇錯，我都冇打錯，係只需 10円（約港幣$0.65）！！

位於大阪中央卸売市場周邊，有一連三部飲品自動售賣機，而呢三部機都有售賣 10円一樽嘅飲品，不過呢啲 10円飲品其實都好鬼蠱惑，完全唔 show比你睇 10円究竟賣咩比你，真係買嘢飲都好似抽扭蛋咁！

當我入咗一個 10円落去，禁完制就跌咗一支蜜瓜味嘅カルピス落嚟，我心諗 10円可以買到細樽裝嘅カルピス都唔錯啊！平時 500 ml都賣 100円啦。之後我見咁平又入多兩個 10円禁多兩枝試下，結果都係一樣…..

咪住！咁平係咪有問題架？

原來啲飲品咁平其實係有原因，3枝飲品都係1月尾就到期（我是月初到訪），咁即係呢啲係本身賣唔出嘅死貨，要放喺度平價促銷，務求盡快散晒啲貨。不過點都好，一枝飲品只賣10 円扣除電費同人工費仲有錢賺嗎？

設置地點：大阪府大阪市福島区玉川3-1-16
前往方法：大阪JR野田駅徒歩10分

Facebook page: 日本住人港喱啲

延伸閱讀：【毒男福音】器材專業、報告詳盡！大阪一人卡拉OK專門店

延伸閱讀：【日本關西】滾軸滑梯4大精選熱點


最新的日本入境要求詳情？

在入境日本前，建議先用Visit Japan Web完成一部分檢疫手續，便能更快速地入境日本，即睇使用教學，例如註冊步驟及同行家人如何填寫等，以及買定日本電話卡。

大阪有什麼好去處及景點推介？

大阪自由行必去這些景點，當中包括USJ大阪環球影城，即睇USJ門票及交通攻略。然而，去旅行怎可忽視美食部分？必到這些人氣美食餐廳，當中更有蟹宴放題、平價米芝蓮餐廳之選。另外，不得不到溫泉旅館/按摩店、溫泉主題樂園、全新門真大型三井Outlet商場及臨空城OUTLET。準備到日本賞櫻花的大家，可預先一看日本櫻花花期預測。