今個聖誕節會去新加坡的旅人，謹記預留多少少時間喺機場，因為Sanrio一眾角色已經攻陷樟宜機場的每一個角落！由自助登機櫃枱，到閘口，都會見到Hello Kitty 蹤影，Kitty迷定必心花怒放。
文：Kassidy｜圖：相關機構
攻陷4個客運大樓
新加坡樟宜機場總共有4個客運大樓，這次Sanrio角色到訪，當然是整個機場都布滿它們的裝置。除咗Kitty之外，還會有Daniel、My Melody、Little Twin Stars、布甸狗、蛋黃哥、玉桂狗，一共7個角色。每個角色都有自己的專屬區域，絕對不怕找不到自己的最愛角色！
必影01｜4米高 Hello Kitty 花卉
位於2號離境大堂，是一個4米高的 Hello Kitty 花卉，用白、紅、綠、黃，4隻顏色的花朵砌成的 Hello Kitty 像，是今次展覽的矚目點之一，有時間一定要去這個角落拍照。
必影02｜Sanrio 公仔聖誕樹
1號離境大堂的公仔聖誕樹絕對是女生們影相必到的地點。7款角色都會在聖誕樹上出現，樹上的公仔都是樟宜機場的限定版，其他地方都不會看到！影唔夠？可以加錢帶佢哋返屋企！
必影03｜Sanrio 角色主題花園
不少的Sanrio展，總會忽略某部分的角色，Hello Kitty 在不少時候都佔據最搶眼的地方。而這次在樟宜機場，每個角色都會有自己的一個小角落，當中3號離境大堂的神秘花園會有齊所有角色的小角落，冇時間影其他部分，就直奔3號大堂的主題花園！
周末角色神秘出巡
以為只有裝置類的Sanrio角色就大錯特錯！每逢周末，它們都會在4個航廈遊走，當然，出現時間和地點都不定，所以只可以靠運氣去遇上自己至愛的角色了！
影唔夠！加錢帶走公仔
冇時間影的話，可以直接畀錢帶佢哋返屋企！在機場的公共區域買滿SGD60/HK$348、樟宜我愛購區域買滿SGD90/HK$522，或者在禁區/超級市場內買滿SGD120/HK$696，就可以SGD8.9/HK$52換一隻樟宜機場限定版的Sanrio公仔。如果有JCB信用卡的話，可以免費額外兌換多一隻！
