新加坡高級餐廳｜米芝蓮2星級Fine Dine＋精緻Omakase滿足視覺嗅覺
喜歡到世界各地歎美食的Nicole，早前去了新加坡旅行，發掘了一間米芝蓮2星的Fine Dining同一間Omakase都非常值得大家一試！想知道更多詳細分享記住Follow IG@nicoleisbeezyallthetime，同GOtrip的Facebook啦！
新加坡高級餐廳｜01 米芝蓮2星級——Cloudstreet
新加坡2星米芝蓮餐廳，「Asia’s 50 Best restaurants 2023」 排行26位。餐廳以亞洲元素的菜色為主，例如澳洲藍龍蝦配了斯里蘭卡的黃咖喱，日本A4和牛會配上東南亞風味的辛香料作配菜。而且細節位做到足，例如餐前小食有3至4道、魚子醬非常大方、餐包都好好味，令到食客有滿足的感覺。
食完Main Course就會上二樓食甜品，好有儀式感。 全餐飯大約食咗4個鐘，飽肚得嚟又唔會太滯，服務食物一切都很好，誠意推薦畀大家！
新加坡高級餐廳｜02 精緻Omakase——Sushi Katori
米芝蓮推薦餐廳「Sushi Katori」 是近年覺得有熱誠做好壽司的餐廳，食客可以品嚐到由日本豐洲市場新鮮空運的食材，再製作成江戶前壽司。成餐飯都滿足視覺、嗅覺同味覺，師傅在食客面前用碳燒拖羅 ，聞到碳香味，同魚油香氣。師傅製作 「鮑魚乾醬Mix鮑魚」時，首先會將熱石器皿加熱，然後再將食材注入器皿之中，非常有儀式感。而熟食擺盤好精緻，海苔炸蟹肉味道一流。
