東洋山行山路線｜交通方法
| 東洋山行山路線詳情 | |
| 路線： | 井欄樹 大藍湖 東洋山 飛鵝山道 |
| 長度： | 約8公里 |
| 需時： | 約4小時 (包括攝影和休息時間) |
| 交通： | 在彩虹站轉乘1號小巴於井欄樹站下車，步行15分鐘左右即可看到入口。 |
| 難度： | 3星（5星為滿分） |
| 備註： | 落山時需注意去到飛鵝山道，如果唔call車，可以選擇走車路到清水灣道喺彩虹或走衛奕信徑4段到慈雲山離開。 途中廁所：沒有；途中補給：沒有； 看芒草月份：10月尾11月頭 |
東洋山行山路線｜景點一：小石澗
由井欄樹出發入口行去大藍湖中途，沿途都係樹蔭，行得好舒服。出發冇幾耐就會見到第一個景點：小石澗。石澗非常清幽，河水清澈，影相都幾靚。之後會經過一座荒廢了既大宅，往下走，到達大藍湖後開始就要行上山了！之後主要以梯級為主，梯級都幾大，如果少行山都會吃力。一路沿著衛奕信徑4段上山，大約要行45分鐘至1小時到頂。
東洋山行山路線｜景點二：西貢全景
行到咁上下，記住回頭睇風景！沿路可以望到西貢全景，綠色嘅樹加埋遠處嘅海景，構圖相當唔錯。不過拍攝當日太大霧，能見度好底，如果天清應該會好靚！ 整段行山路雖然難度唔高，不過一路上並冇洗手間或者補給的地方，想帶小朋友行山，最好係出發前去定廁所，帶定補給物品。
東洋山行山路線｜景點三：滿山芒草
去到最頂，每年10-11月山頭佈滿芒草，所有行山既人都聚集在此。身處於海拔533米既東洋山頂，記住 要影多幾張相！平日行山，人流唔算多，要避開其他人影相都唔難。如果天氣好，去到飛鵝山道可以行5分鐘去埋飛鵝山觀景台睇日落。聽講東洋山附近嘅黃牛山都有得睇芒草，下次可以早幾個鐘出發，一次過去黃牛山加東洋山！去到飛鵝山道，如果唔call車，可以選擇走車路到清水灣道喺彩虹或走衛奕信徑4段到慈雲山離開。
東洋山行山路線｜10分鐘懶人登頂攻略
Blogger Angel表示如果唔想行3-4個鐘上東洋山，其實有個終極懶人方法。就係自駕或搭的士去大老坳，經衛奕信徑4段上山，行大約10分鐘就可以去到上面第3個景點睇芒草。係咪好簡單呢！
東洋山行山路線｜行山小貼士
- 保護大自然
- 保持大自然清潔，不要在任何地方留下垃圾
- 唔好自己喺芒草田開路，只行已經開咗嘅路徑保護植物
- 帶一些食物和飲料
- 最好穿登山鞋，可以穿運動鞋但請小心
- 如夏天出發，記住帶足夠水，不停補充水份，以免中暑
- 行山前拉筋，行完山都拉拉筋
資料來源：Travel With Angel
如何去東洋山睇芒草？
每年10-11月東洋山山頭會長滿遍山芒草！只要在彩虹站轉乘1號小巴於井欄樹站下車，步行15分鐘左右即可看到入口…詳情請看
完成東洋山芒草路線需時多久？
走完東洋山芒草路線需時4小時，共走約約8公里…詳情請看