仁川機場過夜全攻略丨機場設施／餐飲／市區交通！首爾早機/凌晨機必睇
大部分首爾往返香港的凌晨航班，都需要在機場逗留數小時才可以離開，有數個小時又想睡覺。不熟悉仁川機場不要緊，立即記低以下瞓機場要點！
必去韓國景點：韓國櫻花2025！首爾/釜山櫻花季開花時間預測！5大賞櫻景點推介
#01｜超人氣 SPA ON AIR
位於仁川機場B1層的SPA ON AIR，人氣爆燈，夜上12點後幾乎全滿。SPA ON AIR其實是汗蒸幕，有洗澡、休息的空間，按時間收費。
SPA ON AIR
- 地址：仁川機場大廳B1
- 時間：24小時營業
#02｜最舒適 膠囊酒店
膠囊酒店「閣樓．休」提供4種房型（單人房、雙人房、含衛浴等等），需要使用的旅客要到網頁預約，避免沒有房間入住！過夜價格由₩72,000（約HK$420）起，雖然不便宜，但可以唞足精神去玩！
閣樓．休
- 地址：仁川國際機場 一號客運大樓 /仁川國際機場二號客運大樓
- 網址：www.walkerhill.com/darakhyu/hub/en/
#03｜窮遊極致 免費長櫈
一蚊都唔想畀，剩係想捱過幾個鐘出去玩，強烈建議慳家旅客可以瞓長櫈。仁川機場不論出境還是入境層都有不少木製長櫈，出境層更有部分鋪好軟墊（只有十餘張），要瞓機場謹記要帶多件外套！長櫈附近更有充電位置。
#04｜難搵但疏乎 按摩椅（限出境禁區旅客）
仁川機場有提供按摩椅，但全部都在禁區內！所以只有離境旅客才可以用得到這項設施，而且位置不容易找到！只有在閘口 43 和離境東西大堂有提供，而且只有極少按摩椅，要用的旅客可能要提早 check-in 入禁區！
仁川機場過夜 凌晨機有涼沖好輕鬆！
凌晨機最怕就係無涼沖，第二日要臭住返香港或者臭住出去玩。但仁川機場的沖涼設施只在禁區內有，凌晨機的旅客就只能夠去 SPA ON AIR 沖涼。
#05｜免費洗澡設施（限禁區旅客）
只有禁區內有免費沖涼設施，而且時間是6:30 – 20:00，凌晨機旅客就不能使用了。這項設施為轉機旅客而準備，當然離境旅客也可以使用，位置在T gate 20 及 gate 40 附近，只要出示登機證即可！
仁川機場 其他便利設施！
仁川機場除了有不少方便凌晨機旅客的設施之外，還有不少供旅客使用的便利設施。雖然未必個個用得著，但勝在不少人總有機會早到機場而用到！
#06｜免費穿梭車
穿梭車就只限由機鐵搭到入境層，一般人較少乘搭，但其實這項服務是免費的！如果提著太多行李又見到以下這輛車，可以一直坐到入境層！咁就可以唔使推住行李橫越兩個航廈。
#07｜$0！幫你包行李
打包行李是仁川機場的服務，位於機鐵站內，機器用保鮮紙打包成個行李，以防在運送過程中弄濕行李。如果有非常多免稅品的旅客就不宜打包了，因為有機會需要拆開來讓海關人員檢查。
韓進快遞
- 位置：T2, 3樓B、N櫃檯後面
- 營業時間：07:00 – 21:00
#08｜郵局、藥房通通都有
去到機場最怕冇郵局寄最後的明信片，郵局營業時間是9:00 – 18:00，想寄明信片就謹記要在市區買定郵票，可以寫好再去機場郵筒寄！在仁川機場作病都不怕，藥房、醫療室都有！如果想美甲、剪頭髮都可以在仁川機場做到。
#9｜磅定行李先上機
行李磅對一眾廉航旅客都非常重要，皆因超重都會罰錢！仁川機場同樣有貼心服務，提供行李磅在不同的 check-in 櫃枱附近，磅完超重再 pack 行李先 check-in，唔怕罰錢！
飲食篇！仁川機場過夜 肚餓食咩好？
凌晨落機或上機前肚餓，究竟可以食咩？ 仁川機場個 food court並非 24 小時的，所以旅客搭凌晨機想醫肚，可以考慮最方便的便利店又或者快餐店！
#10｜即刻搵食！CU便利店
不論是出境層還是入境層都有多間CU便利店，全部都有飲品、零食售賣，入境旅客亦可以在便利店買到電話卡、T-money、WOWPASS增值 等。凌晨機到達，不妨預足時間買電話卡交通卡，離境旅客就在便利店最後衝刺吧！
#11｜食韓版漢堡 Lotteria
日本、韓國都有的快餐店 Lotteria，在機場竟然有3 間 24小時分店！分別在入境層B1/F、禁區 gate 119 及 gate 10 附近。Lotteria 的漢堡包款也非常多，可以一戰！
#12｜LINA’S
位於出境層3樓，禁區外的LIAN’S 24小時營業，售賣三文治、沙律等簡餐，仲有提神咖啡。
- 地址：第1航站樓3樓M櫃台附近
#13｜villa de charlotte cafe
位於入境層禁區外1樓的villa de charlotte cafe 24小時營業，亦是夜機到埗醫肚的好選擇。
- 地址：第1航廈1樓西邊8號出口附近
#14｜FOOD GARDEN
想食熱辣辣嘅美食，可以去入境層1樓的FOOD GARDEN，24小時營業，售賣湯麵、湯飯等暖胃美食。
- 地址：第1航廈1樓西邊12號出口附近
交通篇！唔過夜，直出機場交通教學！
搭得凌晨機，又唔想喺機場等足一晚，都有交通工具往返市區！以下就有 3 大 凌晨仁川機場往返方法，大家以後就唔使在機場呆等，可以出去市區搵嘢玩啦！
出機場方法 01｜的士
普通的士最多可坐4人，不過放埋行李，隨時迫到爆。如果行李太多、3人以上，建議由酒店安排預約jumbo taxi（要預約），由明洞至機場約需1小時，車程較快。首爾的士的起錶價為₩4,800/約HK$29， 再另外深夜附加費。
出機場方法 02｜深宵機場巴士（由T1 出發）
在仁川機場T1有3架來往機場與市區的深宵機場巴士， 包括N6000 、N6001 來往第一航廈（T1）； N6002 來往第二航廈（T2）， 現時巴士班次已經比以往少，但亦要密切留意時間表，錯過咗就有排等！車程約70分鐘，價錢最抵，一人只要₩10,000/約HK$61。如果在首爾站附近下車，可以選擇前往「汗蒸幕」度過一晚
N6000江南高速巴士客運站
- 途經：松亭站、鹽倉站
- 由高速巴士客運站開出時間：22:40 、 13:20
- 由仁川機場T1 開出時間：23:50 、00:40、01:30、02:30、03:20、04:10
N6001 首爾站
- 途經：松亭站、鹽倉站、新龍山站
- 由首爾站開出：00:00 、2:40
- 由仁川機場T1開出時間：00:15 、01:05、02:00、02:55、03:45、04:40
N6002 首爾站
- 由高速巴士客運站開出時間：23:40
- 由仁川機場T1開出時間：01:20、04:20
N6701 東大門站
巴士站位於3B
- 由首爾站開出：3:00
- 由仁川機場T2開出時間：23:50、02:00、03:55
N6701 樂天世界站
巴士站位於3B
- 由仁川機場T1開出時間：00:00、02:05、04:00
出機場方法 03｜預約包車
私人包車價錢較貴，較適合一大班朋友預約。
最新的韓國入境要求詳情？
韓國宣布即日起至2月底，所有來自香港及澳門航班必須使用仁川國際機場降落， 即睇：韓國入境最新要求限制。在入境日本前，建議也可買定韓國電話卡，部分更有通話功能，以及選定心儀酒店。
韓國首爾有什麼好玩推薦？
首爾美食多籮籮，即睇美食推介，而醬油蟹絕對是其中一樣必食美食；一人旅遊到首爾不知到哪覓食？大可到訪首爾可以一個人用餐的人氣獨食餐廳。玩樂方面，滑雪是不可錯過的活動，5大滑雪場適合新手一日遊，亦可到樂天世界大玩遊樂設施及韓服體驗。另外，也可用幾日時間到釜山玩返轉，即睇首爾去釜山交通懶人包。準備到首爾賞櫻花的大家，可預先一看首爾櫻花預測及賞櫻地點推介。
