上司提下屬勿用emoji回覆？網民諷公事公辦3大職場大忌

上司要求文字回覆WhatsApp  不喜歡收表情符號

近日，有網民於社交媒體專頁「公務員Secrets」發文分享自己與上司用 WhatsApp 溝通公事的經驗。事主表示，其上司喜好透過要 WhatsApp 講公事，內容大部分是知會或提醒的性質，並非問問題類型的訊息，事主通常以emoji回覆，例如OK手勢emoji 「👌」，認為Emoji足以表達到他「知道」的意思。直至一天，上司竟然突然向事主表示，要求事主用文字回覆，並反問事主是否很喜歡 emoji，令事主啞口無言，難以理解上司的要求所為何事，於是網上問網民意見。

公事公辦：辦公時間用電郵最正式

帖文一出，網民議論紛紛，各有不同應付上司的「唔通氣」的「奪命追魂訊息」。有幸運兒霸氣分享「我通常直接已讀送個藍剔就算」、「我上司都係用OK覆我，睇心情㗎咋，有時OK、有時noted、有時emoji」。另有網民諷刺上司指「我prefer你工作時間用email搵我」、「叫佢出返email，我會好正式咁回覆你」、「有乜返辦公室先講」、「唔鍾意用emoji就咪用WhatsApp啦」。

WhatsApp已經成為正式溝通渠道

有辛勤工作的網民則表示：「公事要留紀錄，除非emoji清楚表達，否則日後可能因誤會產生爭議」，有人回覆留言反問：「WhatsApp幾時變咗正式？」、「已經變咗好耐，仲開幾個唔同群組，處理唔同項目，以前做嘢，公司會出電郵話俾同事知，而家冇呢支歌仔唱」。

職場WhatsApp禮儀最忌3件事

網民留言分享過往於職場用WhatsApp溝通公事悟出3大禁忌。

1. 注意彼此關係 Emoji可能顯得輕佻

有網民認真解說：「公事上我唔會用emoji回覆上司，佢唔用你唔會用，佢用你都未必可以用，可能佢覺得唔夠正式，有輕佻嘅感覺。」該位網民更進一步表示，上司肯同事主講出其喜好，不用斷估撞板，覺得事主已經算「行運」。

2. 小心打錯字

有網民分享搞笑經驗，「我以前老闆覆我OK成日打咗PK」，獲其他網民表示有同類經驗，「試過最高峰同一日有3個同事覆老闆PK」。

3. 勿用錄音功能

亦有網民表示：「我最憎有成十幾條錄音要聽，好似對講機咁，既然拎住電話錄音，不如直接打電話講啦！收到錄音又要打開先聽，逼緊地鐵又聽唔到！」獲其他網民贊同指「好多呢啲無sense嘅人」。

網民最憎公事訊息收這3個emoji

早前有網民於連登討論區大談「最憎同事send咩emoji俾你」，頭3位分別是：

1. 雙手合十拜託手

官方解釋原為「感謝」，另有祈禱的解說。原來在很多香港打工仔眼中，這個符號過分虛偽！有事相求，倒不如直接用低頭拜託的 emoji。

2. 猴子遮眼

有「冇眼睇」的含意，收到同事用這個emoji卻又沒有詳細解說的話，有機會令同事是否做了什麼錯事而不自知。

3. 滴汗笑臉

這滴汗其實可能暗示不滿或是有種「險過剃頭」的意思，如果用於公事上，有可能令人覺得安排稍欠妥當的意思、但「勉強過關」的意思。