港女批同事「返公司叉尿袋好cheap」
一名港女在「親子王國」出post，問網民「你地同事會否返公司叉尿袋？」，她又引用數據，指「我記得睇過網上報導叉一個1萬mAh 尿袋大概用$0.3 電費」，因此認為同事在公司為「尿袋」充電，就是為了節省這$0.3的電費，形容其行為很cheap，直斥「有必要拎返公司叉咁核突嗎？」
網民指矯枉過正：邊有人咁小心眼
帖文一出，即有網民指「同事行為無問題」。不少網民指自己都有在公司為電話、尿袋充電的習慣，原因是「公司叉方便好多，屋企叉要瞓住覺叉，公司睇住佢叉爆就可以熄」，比較安全；有網民指出打工仔在公司的時間比在家多（不計睡眠時期），直言「需要咁計較？我都用私人電話處理公事啦」；
更有網民直斥樓主「係得自己咁小氣連$0.3都要計先會覺得人地咁做係有問題」，更指「呢啲人唔可以俾佢做老闆，會勁刻薄」。大家又覺得該港女是否太小心眼？
網民分享更多用盡公司資源例子
港女的帖文更引起網民分享，紛紛表示曾見過同事盡用公司資源的例子：「插乜都見過，暖風機又有，電飯煲又有」、「見過返九五嘅人喺 pantry 煮三餐」、「見過有人喺公司一卷卷廁紙攞走，仲有 A4 紙」、「我有個師奶同事會屋企所有叉得嘅電器都拎返公司差，仲要叉埋俾個仔。有次仲撞破佢擠洗潔精，佢有時孭個大背囊返工，我估佢會拎埋廁紙之類」、「遲吓家居垃圾徵費，個個都帶垃圾返公司掉」、「我見我公司有個師奶，返工時間成日用公司電腦整理仔女的工作紙，再印埋出嚟」
