珍珠奶茶店店員力數西客：買杯肥仔水要W Hotel服務
有於珍珠奶茶舖任職了幾年的網民於連登討論區發文，分享自己在工作中的所見所聞。他一開頭就表示「奶茶舖嘅員工都喺人，你買嘢飲嘅時候可能見唔到有其他客人，但唔代表員工咩都冇做過」，遂指其實大部分連鎖珍珠奶茶舖每日正常都要沖400 – 500杯飲品，對於一間舖只有3個員工6隻手而言，1分鐘要沖到3杯野飲，絕對會沖到手震。
但他就炮轟到不少香港人毫無同理心，「買一杯肥仔水就expect你俾住W Hotel嘅service佢」，指出雖然服務宗旨時顧客至上，但不少客人的要求都非常不合邏輯，並整合出「5大買肥仔水最L乞人憎嘅類型」。
珍珠奶茶店店員力數西客｜01. 雙手殘廢型
他指不少購買珍珠奶茶的顧客都是20幾歲的後生仔，但居然有不少後生仔會毫不尷尬地要求店員幫手插飲管入飲品內，行為舉止令他完全無法理解。他表示如果是阿叔阿婆的客人要求幫忙，他也不會介意，但作為年輕人四肢健全，為何要在員工忙前忙後的時候幫客人做一些非工作範圍內的事？
珍珠奶茶舖店員力數西客｜02. 唔佢老母型
事主表示有部分客人會走到收銀台前叫「唔該」要求員工幫忙下單，但到員工等待客人下單時卻又講「我都係再睇下先」，讓他忍不住吐槽「吓？咁你叫我做乜X？」最糟糕的情況是當前面有大批訂單，加起來有10幾杯飲品需要製作時，卻有客人不斷叫店員下單，「遲咗出杯又會俾其他客X，其實諗到先叫職員落單喺咪會死？」
珍珠奶茶店店員力數西客｜03. 港女需要傳話型
不少女客人都會與男朋友一起到珍珠奶茶舖叫飲品，但他卻指出部分港女十分搞笑，「喺男朋友隔離就變到唔識講嘢咁」，需要由男友轉達自己的需求，「重點喺小姐你企喺我面前，點解唔直接答？」
珍珠奶茶店店員力數西客｜04. 唔L等得型
當多人排隊買珍珠奶茶時，飲品都需時製作，等候時間亦會相對較長，而店員在顧客下單時都會講明預計等候時間。「落單同你講要等20分鐘你話ok，點L知每隔2分鐘你就過嚟催問到你未，又問可唔可以快少少」令他忍不住在心中問候對方老媽子，並炮轟到「唔L等得就唔好飲啦X你」！
珍珠奶茶店店員力數西客｜05. 耳機黐L住耳仔型
近年入耳式耳機成行成市，而且有抗噪功能，大受用家歡迎，但沒想到卻成為了珍珠奶茶舖店員的惡夢！事主明白入耳式耳機會令使用者無法聽到其他人說話，但部分人卻堅持不脫下一邊耳機。當在珍珠奶茶舖下單時，店員詢問冰量與甜度時，這種人需要店員重複幾次才會聽到，飲品製作完成後叫號又聽不到，還有膽反問「點解我要等咁耐？」令他不勝其擾！
珍珠奶茶店店員力數西客｜網民：好多香港人都係自私精！
帖文一出則旋即惹來共鳴，更有在餐廳工作網民分享自身經歷：「第二點真係感受至深，之前做過食店收錢，經常有人打電話來叫外賣，打到嚟唔係講食乜，而係打到來先慢慢諗食乜。又話炸豬扒好油膩、沙律又太清淡，之後又話好耐冇食意粉，但係諗極都未諗到食乜……X那星，你知唔知我面前排咗十X幾人等緊叫嘢！」更有網民以日常生活作為例子，證明西客到到都多：「其實好多人都係咁，上到車先攞八達通，排到Atm先拎卡，通常呢類人都做唔到multi-task同唔聰明。」
另外有網民持相反意見，認為一切的原因都可以歸咎於人手不足：「講到尾咪又係人手問題，一日沖500杯都係得3個人，仲要搵人抽身去做收銀，你覺得冇問題合理咪做落去囉！你同返自己老細講嘛，依家反而轉移咗落啲客到」但就有網民為事主反駁到：「人手係一個問題，但上面列舉嘅閪客同人手無關喎，就算有十部atm機，只要有十個阿婆一樣會塞住」而事主亦表示曾向老細反映人手不足的情況，但客人亦的確有自己的問題。
