荃灣玩具店老闆炮轟少女不讓座 怒斥:社會唔同咗!
昨日(7月26日)下午3時許,一間名為「2.0荃灣知源雜貨玩具」的荃灣玩具店老闆於Facebook專頁發文炮轟地鐵內有少女坐優先座的行為。事緣當時老闆在乘載搭地鐵時,見到一名年約十幾歲的少女坐在關愛座上觀看影片,而旁邊及正前方有4位老年乘客站在車廂。老闆遂將畫面拍下並上載到Facebook專頁上,並狠批少女的行為:「社會唔同咗,這少女望見班老人家好幾眼。但冇反應(圖中有仲有四位銀髮族企在側)」。
圍爐失敗反被網民炮轟:你又知個女仔有無咩唔舒服?
豈料網民對他怒插少女的行為十分不滿,反炮轟老闆:「旁邊5個位都係銀髮族?點解只問20歲?自己可以讓俾人,但唔好批評人」、「你唔講吓返工時間太子站油塘站?啲呀婆呀伯轉車跑去對面月台跑得快過我啦,呢啲又睇唔到呀?入到車廂就話腳痛好X慘?」、「啱呀,社會真係唔同咗。我俾十幾蚊,佢哋俾2蚊,有時仲要繁忙時間出嚟同我逼,仲話要我讓位俾佢哋,我想坐下唔想讓就俾人放上網鬧,你班友都幾惡㗎喎……咁睇唔過眼你應該上前叫個女仔讓座,而唔係影人對腳再上網鬧人囉。」
亦有網民分享自身經歷以反駁老闆炮轟少女的行為:「我左膝關節炎,長期睇骨科打針食消炎藥。平時有位都唔敢坐,就係怕俾你啲咁嘅人影相上網鬧」、「我試過M痛到好暈,坐緊關愛座,之後俾個運動型阿叔大大聲起車箱話後生唔讓坐,全車人望住我,最後讓咗位畀運動型阿叔,結果我落咗車,即刻暈底咗送咗去醫院」。同時亦有網民苦中作樂,搞笑回應讓座一事的「正確做法」:「試過讓啲阿伯,但佢又唔想坐。下次真係要㩒底個伯坐落去,唔係遇到版主呢啲正義L就hihi」。
遭網民極力撻伐的老闆以「死雞撐飯蓋式」4度回應網民質疑:「果然反應,好意想不到,正呀」、「好開心,大家自己都有表達見解」、「好了,多謝大家好善意,回應亦好正面,我哋都休息吓」、「見到大家笑我哋咁開心,三十幾度大家笑吓降吓温」。但他的回應再次燃起網民怒火,再度怒斥:「好X好笑?降咩溫啫見到你啲回覆仲火呀」、「7成咁真係幾好笑嘅。喂地下好多沙,快啲執返啦」、「知唔知醜?懶大方作答以為幽默。」
老闆偷拍少女腿部或涉違法行為?
當中亦有網民質疑老闆在車廂內偷拍少女腿部的行為是涉嫌違反2021年修訂、香港法例第200章的《刑事罪行條例》。經查證法例後,老闆雖沒有拍攝到「私密部位」,並沒有觸犯「窺淫罪」等罪行,但如果拍攝行為令當事人不安或感到威脅,亦有機會鬧上法庭。於2013年曾有一名大學生偷拍女性美腿,遭同學揭發並人贓並獲,而當時的主任裁判官指互聯網上甚易找到女性腳部照片,質疑男生為何要自行偷影,「你唔問就影人哋,人哋會有心理陰影」,最終批准他自簽500元,守行為一年,控罪撤銷。
荃灣玩具店被炮轟4小時後終跪低:會繼續接受大家狠批
在原文發佈後的4小時、晚上7時許,被上千網民批評的老闆最終「跪低」,並在Facebook專頁發文道歉:「抱歉今天帖文,令大家唔高興。係太魯莽,本人會繼續接受大家狠批」,但仍無刪除原文。
港鐵對優先座的官方定義
根據港鐵2009年推行優先座的新聞稿,港鐵將優先座的「優先人士」定義為「長者、 殘疾人士、孕婦或其他有需要的人士」。同時港鐵發言人在受訪時亦曾經指出,「優先座」其實如同普通座位,人人皆可以坐,目的是提高乘客讓座予有需要人士的意識,並不是明文規定「必定要讓座」,所以就算少女身體並無不適,她選擇不讓座的行為其實並無不妥。
![玩具店 關愛座 公審 根據港鐵2009年推行優先座的新聞稿,港鐵將優先座的「優先人士」定義為「長者、 殘疾人士、孕婦或其他有需要的人士」](https://imgs.gotrip.hk/wp-content/uploads/2022/07/477748_10152147563300151_918153463_o_198088430562df724ee73d8-1024x681.jpg)
事情經過如何?
一間玩具店老闆於Facebook專頁發文炮轟地鐵內有少女坐優先座的行為。事緣當時老闆在乘載搭地鐵時,見到一名年約十幾歲的少女坐在關愛座上觀看影片,而旁邊及正前方有…詳情請看
關愛座必須要讓座予他人?
根據港鐵2009年推行優先座的新聞稿,港鐵將優先座的「優先人士」定義為「長者、 殘疾人士、孕婦或其他有需要的人士」。同時港鐵發言人在受訪時亦曾經指出,「優先座」其實如同…