$36換牙籤魷魚鬚＋開邊腸
有網民於Facebook群組「澳門難食中伏團」發文表示，日前她使用澳門外賣App「澳覓」向位於氹仔的小食店叫了一份外賣。外賣單中包括芝士牛肉堡2個、1份魷魚鬚、1份薯條及1份原味台灣香腸。在餐點到達後，她滿心期待地打開外賣盒，豈料當中的食物令她目瞪口呆。
事主沒有提及到芝士牛肉堡與薯條的情況，所以看似沒有問題。但問題就出自於價值$25的魷魚鬚與$11的台灣香腸，由事主所上載的相片可見，偌大的外賣盒內裝著幾條比半隻手指尾還要幼的魷魚鬚，炸粉與魷魚鬚完全分離，與外賣App內的圖片完全是兩回事。而台灣香腸更是十分搞笑地切開兩半再煮，雖然體積不變，但可增加面積，讓外賣盒看起來沒有那麼的空蕩蕩。如此荒謬的外賣令她忍不住怒斥：「他X的，兩份放在一起，似係食剩的送過嚟咁」！
面對這超級離譜的外賣，她也即時打電話聯絡餐廳質問：「$25得五條魷魚鬚？條腸$11得咁細條？！」對方卻回應：「一直都係咁嘅份量喎…..」讓事主極為無奈。
而從外賣App「澳覓」內的評論可見，氹仔店的出品質素參差不齊，不少食客都在評論中反映到手的食物與menu上的圖片不符，當中以雞翼類最為嚴重。根據食客們的圖片可見，餐廳出品的雞翼可與香港某連鎖店的招牌「打火機size雞翼」一決雌雄。同時餐廳以墨西哥卷作招牌菜，但都有食客大呻要價$30-40的墨西哥卷「唔足料」。
網民怒斥：36蚊食埋啲咁嘅嘢，真係狗也不X！
事主的控訴外賣post引起大批澳門網民熱議，不少人都對她的遭遇深表同情，亦炮轟餐廳做法非常「度縮」：「食水好深喎」、「真係好似廚餘」、「呢兜似垃圾堆執返來的嘢，竟然要36蚊」、「36蚊食個魷魚腸仔撈麵無咁嬲」、「條腸仲要咁樣切開加體積？撐大個胃襟飽啲？」亦有網民苦中作樂，反嘲到：「減肥餐！為你著想，怕你咁夜食膽固醇超標咋。」
亦有曾光顧這間餐廳的網民分享中伏經歷：「呢間野不嬲伏出宇宙，有相為證。上次叫個芝士牛肉堡，因為有一個係芝士牛肉珍堡，但見相一樣樣所以我點芝士牛肉堡，X那星打開食冇蕃茄冇菜冇青瓜，火都嚟打去X，個員工隔咗一陣叫負責人打返俾我，話間間做法唔一樣冇寫清楚材料，唔好意思。」
