港女搭港鐵被情侶狂推 拍片大罵：我都唔明你逼乜嘢
疑似是女事主在LIHKG討論區分享影片及發文繼續大罵，指當時地鐵延誤3分鐘，片中情侶「一直推，掛住攬黎攬去」，自己已叫過對方不要再推，豈料港男串XX地稱「地鐵係咁逼㗎啦」。女事主指地鐵逼屬正常，但並非可讓人不停推，連道歉都沒有，且男方更一直喋喋不休地碎碎唸。她指「你條女都唔好意思唔敢出聲，仲要即刻走埋，咁你都唔知自己X咗？」，於文尾再稱「係咪無錢得滯，屋企無位畀你哋X嘢？係要公眾地方攬黎攬去撞撞撞？」
影片對話
而從影片中可見，女事主當時「大頭」拍著一名戴眼鏡的男生，男生表情帶點無奈，而片中聽見一把女聲（拍片者）從旁以嘲笑的語氣說出以下對話：
女：你咁驚人拍你做咩啫，你做錯嘢咩，做咩咁驚畀人錄？
男：有咩幫到你？
女：無啊，有咩幫到我？無問題㗎，你啱先好串㗎！係咁講講講，撞到人又唔講Sorry。
男：如果真係撞到你，同你講聲對唔住囉
女：好啊，你個樣唔似有心道歉囉。同埋你條女啊，啱先唔係話「哎呀，隻手擺邊好呢？」，成個港女咁㗎嘛！
男：其實呢，真係唔係有心撞到你，港鐵逼就正常⋯⋯
女：港鐵逼係正常，你唔使推我掛拎住2個書包，啱先喺九龍灣停咗成1分鐘，我都唔明你逼乜嘢，你要出去咩？你要落車咩？你都上咗嚟啦！
男：你要影我係無問題。
女：你頭先咁驚做咩啫？
男：我無驚，只係你突然拎相機出嚟影我
女：喔～係啊！
網民：洗唔洗跪低斟茶先夠誠意？
網民看完女網民自述兼影片後，反指拍片者「以為自己啱晒」，認為「人多就自然迫嫁啦，都say sorry 你就話人無心講，欠咗你咩家陣，洗唔洗跪低斟茶先夠誠意」、「只係見到拍片條女係咁咄咄逼人，個車廂咁X多人，人哋又道歉又唔係無禮貌X你；相反，條女X完條仔又X埋人哋女朋友，男仔撞你又關佢女朋友咩事？仲要上嚟出post，最X港女嗰個似係你喎」、「樓主把聲衰到，成個嫁唔出個啲中女咁」、「好有平時見到啲燥底阿嬸嘅味道，小小嘢都放上嚟，人哋都講咗sorry，咁小事洗唔洗繼續咁小氣」、「當連登係自己武器咁用，痴線女人」、「撞你一下洗唔洗報警驗傷啊，搞到咁肉酸」。
拍片女事主反駁：我係忍咗成分鐘
女事主眼見網民罵自己，即留言反駁，指「自己錯仲要成個死廢佬咁一直嘈，都唔想理你，係要耳邊一直講，忍咗成分鐘真係忍唔住，一定要錄你片」、「仲要溝著隻港女，勁X戇X話：『我隻小手唔知放邊度好呢』，嘩我聽完真係X出聲」、「我係鐘意擺佢上網，我有自由嘅？定你唔知咩叫言論自由」、「佢一直推，掛住攬」、「個男仔車都無架，帶住條女逼地鐵都幾慘，我就揸開車，好少搭地鐵」。
網民終用1句K.O：個港女終於知錯
然而，女事主堅持對方道歉非真心，認為自己一點錯都沒有的時候，網民紛紛留言重覆指「對方道歉仲要死Chur唔放，大家都淨係知你係潑婦罵街，唔抵得人哋男女朋友咁恩愛」。然而，有網民最後以一句「樓主已違反地鐵附例」K.O，女事主便暫時沒有再反駁大家。
