人生路不熟,遊客來港旅遊,又或是港人出境旅遊,有時候單靠地圖仍難找到目的的,「問路」就是一個簡單直接方法。不過當你有求於人,帶有禮貌的態度應是基本條件,但又並非人人都明白此道理。近日,在Threads上有港女發文,指不解內地人為何問路時如此沒有禮貌,結果惹來多人共鳴,更有網民不約而同地說出一絕招,「對付」他們。
港女不解為何「內地人咁無禮貌」:被佢哋問路問到嬲
近日有香港女生於Threads上發文,指「啲大陸人真係好無禮貌,第一句: 『哎,耐克在哪啊』,我答佢我不知道,佢皺眉走,好嬲,問嘢識唔識用請問/唔好意思開頭?」從字裡行間已能感受到女生當刻的心情。
而她的帖文發布後,旋即引來熱議,更有不少人分享類似經歷。留言指「我仲勁啲,經過佢一嘢扯住我手臂拉停我,佢問我冠軍(Champion)喺邊,嗰時好善良嘅我未識佢地啲超難聽譯名,就答唔知道,但仲想幫佢哋google,跟住佢哋下一秒就笑我唔識冠軍呢個佢哋以為嘅名牌,笑住我咁走人」、「佢哋係咁,無開場白都算,就算話咗畀佢聽點行,佢哋都係就咁走開,零句唔該多謝」、「佢哋最常用嘅開場白係:『哎』」、「試過尖沙咀大聲問我K11喺邊,我問佢哋邊間K11,竟然發爛渣話 『我怎麼知道』,我回返佢話我也怎麼知道然後即走」。
圖片來源:TVB《愛回家之開心速遞》劇照、討論區