林超英「微服出巡」 伙東方昇到深水埗實測消暑神器
在「國家級任務」的片段中，東方昇找來了前天文台台長林超英到深水埗實測消暑神器，他一貫作風穿著白色長恤衫和西褲出外。當東方昇問他「到底開咗冷氣未」時，他表示當天氣真的很熱時，他和太太會一人一部風扇，當天氣未算太熱時，更會「2個人只開一部風扇」。他更透露自己太太是中醫，所以都不會主張開冷氣。東方昇指相當佩服其太太，可以配合「走冷氣」的舉動，反指「如果我同我女朋友講唔開得冷氣，一定分手」。而超英哥此時更風趣地表示「唔會，你叫佢同我傾偈就一定唔會，你介紹佢畀我先」，相當風趣。
而在實測消暑神器前，二人更自測體溫，當中超英哥更教路「要射濕咗嗰度」。林超英自測時，表面體溫為33.5度，東方昇當時體溫則為31.5度，而地下為52度，他解釋指現時坊間常稱香港是「濕熱世一」，但其實對比其他國家，根本不算什麼。
實測3大消暑神器 林超英：吓！吓！吓！
過程中，東方昇帶超英哥到不同檔口購物，在第一個檔口時，超英哥頓時覺得不妥，指「咦，咁涼嘅，你開咗冷氣啊」，檔主直認不諱。而買風扇背心時，檔主起初表示售價為$299，可降溫5度。而後來再指若要加「充電寶」，則要$450。聽到價錢後，超英哥即時嚇親，指「吓！吓！吓，你個充電寶貴啊」，然後即檢查電池容量。最後穿上身測試效果，果然體溫由34度降至29度。
隨後，東方昇帶同林超英到下一檔口買「褲浪風扇」，當東方昇問檔主時，檔主指「你想咩時間嚟啊」，因口音問題而令二人搲爆頭，林超英更指「乜嘢啊」，相當爆笑。而買風扇途中，超英哥更遇到粉絲聊天，站在一旁的東方昇指「我插唔到口」。
到最後，二人更測試太陽能風扇，林超英指夏日炎炎，最緊要保護頭部和散熱，所以戴帽是十分有效。他更用體溫槍測試體溫，東方昇頭頂溫度為43度，而他自己則指「自己頭髮少，叫東方昇揀「多頭髮嗰度」，而東方昇指「好難搵啊」，最後測試為41.3度。而戴上太陽能安全帽後，溫度降至35度，足足降溫8度。林超英指「個頭無咁熱，個人好通氣，好嘢」。
網民：東方昇做到嘢
網民看完影片後，紛紛表示「笑死人」，留言指「唔睇唔知原來林超英係咁搞笑」、「林超英啲笑聲有魔性」、「深水埗真係臥虎藏龍，路過嘅大叔都可以同前天文台長展開激烈嘅物理討論」、「有知識、有幽默、有堅持、有EQ」、「超英哥一嚟就拎支探熱槍探過阿姐，話佢廿七度好好笑，估唔到超英哥咁多嘢講」、「超英哥真係唔話得 三十幾度都陪東方昇癲」