網民數有錢人屋企才有的6大習慣 點解要去Staycation住細房？
早前有港人在討論區中以「一人一個原來有錢人屋企先有的習慣」為題，分享對有錢人生活習慣的驚嘆，指「原來有錢少少的家庭每逢過時過節或暑假都會一家大小去旅行」、「有錢家庭腰酸背痛不是用撒隆巴斯貼或吃止痛藥，而是睇物理治療或看專科」。帖文一出就隨即引起網民們紛紛回應，分享更多「有錢人屋企才有的習慣」，一般人實在是羡慕不來啊！網民紛紛加入接龍留言「指Staycation在有錢人眼中會奇怪，因家中比酒店更大，為何要付費住細屋？」
01.有錢人屋企習慣 — 有家庭醫生
網民分享指，每個小朋友發燒感冒都是靠吃必理痛，但有錢人家庭每個都有自己的家庭醫生。
02.有錢人屋企習慣 — 屋企間房好過酒店
網民指，身邊認識的有錢人朋友對酒店Staycation沒太大興趣，因為酒店房間比自己屋企房間還要細，自己屋企又靚又舒服，更有工人照顧，沒有必要出去住酒店。
03.有錢人屋企習慣 — 搭飛機只坐頭等
有網民分享，身邊有錢同事每次撘飛機都要坐頭等，就算只是去台灣短短航程都會選擇坐頭等。有網民分享上班時和同事聊天過程中看見同事手上有包堅果，抱著好奇一問原來是坐飛機的零食包，他不禁疑惑為何自己沒有這種經驗，結果同事回答讓他傻眼了。「可能坐國泰頭等先送嘅零食包掛，每次去台灣都坐頭等。」
04.有錢人屋企習慣 — 不愁歐遊
有錢人除了每逢過時過節都會出國旅遊外，一般人會選擇亞洲地方，有錢人就喜歡歐遊！有網民分享以前在公司的真實故事，指當同事們在討論聖誕假期去那裡旅行玩雪時，其他人選擇韓國、日本等地方，有錢人就計劃去瑞士。
05.有錢人屋企習慣 — 只坐的士
網民分享，身邊有錢朋友由細到大，出入都是乘坐家人車或搭的士，所以完全認不到路，亦沒有必要識路。
06.有錢人屋企習慣 — 屋企地址只有街道與號碼
網民指有錢人寫屋企地址只寫xx道xx號。
網民：好難解釋我嘅想法，係兩個世界嘅人
有網民反映如果未曾和有錢人相處過都不知道大家想法落差咁大，「以前我有個同學仔話浸浴缸嘅話只會去五星級酒店，另一個同學仔話點解唔喺屋企浸」、「我有個有錢朋友，佢話無食過譚仔，唔識點嗌」、「佢哋去商場只會去VIP廁所，唔係佢講我都唔知有，要拍卡入，K11 Musea正正有呢個福利」、「屋企有鐘點、有會所嘅話仲使乜去STAYCATION？有錢人間房分分鐘大過酒店房」」。不過亦有人指「真正嘅有錢人，唔會覺得自己有錢，唔會刻意講自己住邊個地段，住西半山嘅會話自己住西營盤」。
