男友月薪報細數 港女被騙半年崩潰
港女於「香港單身狗關注組」表示，她與男友拍拖半年，男友一直自稱月薪 22,000 元。近日，港女無意中找到男友的糧單，驚悉他的月入竟高達 75,000 元，還發現他銀行戶口存款有200萬，樓主深深受到傷害，覺得被人欺騙了半年，十分猶豫應否提出分手，認為男友誠信出現問題，有意向她隱瞞收入及身家。
網民點出殘酷真相
對於樓主被騙半年，有網民戳破殘酷真相，「佢分配好75K你只係22K Level使費，其餘53K可能另一個或幾個人分，冇呃你呀！」、「22K係底薪，53K係佣金」，又有網民分享「我叫男仔朋友有樓有 Bitcoin 都唔好咁快同女仔講，信唔信得過好快知」、「係咪幫日本人打工，係75萬日圓」。
網民幽默回應：我接盤
在港女面對男友誠信問題而六神無主之際，網民對帖文的留言卻非常幽默，不少網民都支持樓主分手，但原因竟然是「要分手，但要介紹佢俾我！」又有網民認為「搵到咁多都仲同你一齊，佢肯定唔止得你一個，分手啦」，亦有表現實際的網民表示「執到啦，仲分手！」、「22K係底薪，53K係佣金」，留言可謂非常盞鬼。
網民神分析真相：男友怕你拜金
另一方面，有網民好言相勸，認為樓主應留一點私隱給大家，有網民指出「可能你身份只係女友，其實佢搵幾多唔輪到你管，分分鐘佢家人都唔知，留一點私隱給大家，到適當時候自然會坦白解釋啦！」同時有網民認為「好多原因，半年大家仍在試探階段，男友又可能怕你係拜金女，唔講反而試出真感情，最重要係雙方感覺，對方對自己體貼並非用錢可量度，你都要珍惜他，男仔都有必要保護自己，做人任何時候靠自己最實際！」
