仆心仆命煮晚餐被當面狠批「好垃圾」
港媽在本地著名烹飪平台「職人吹水」發文表示，早前女兒男友指直她所煮餸「好垃圾」，又不留情面地當面說：「如果上你屋企食，你老母煮唔食，食外賣先上你屋企！」港媽因而感到非常傷心，為此已連續兩星期都不再下廚，直至女兒著她漠視男友的批評，她才重拾信心煮飯。她在帖文也附上重拾鑊鏟第一餐晚餐的相片，分別是檸檬雞翼、煎黃花魚炸菜炆蘿蔔、粟米紅蘿蔔豬展湯，兩餸一湯跟白飯，並指這些餸菜都是她在放工30分鐘內完成，也誠懇地向網民求批評。
網民意見一面倒 怒罵高分低能男友
帖文引起網民熱烈討論，一面倒不恥女兒男友的言論，怒轟他「無禮貌、無家教」、「淨係想食你個女」，有網民表示「自問我都有個女，將來女婿有無錢都好，人品好、有禮貌、識做人就會賺到錢，肯氹我都唔會對我個女差，你要諗諗啦」、「叫阿女飛咗佢，嫁俾呢種人一世受苦」、「我老公食我媽煎隻蛋都交足戲，氹到我媽飛上天咁滯，重點係肯氹我媽，即係尊重我！」網民紛紛戥「未來外母」不忿。港媽又稱女兒男友將會負笈美國攻讀博士學位，「睇下有冇緣做到佢外母」。為此，有網民搞笑留言來個烹飪招親，「未來外母，我識煮兩餐同識讚人㗎！」，獲其他網民力挺。不過事件並未就此完結。
SBS《The Penthouse上流戰爭》截圖）
網民持平給意見 女兒卻負評港媽
有網民認真評價晚餐的相片，「見到你啲餸都好想食，仲有湯飲，正，辛苦你！只不過炸菜炆蘿蔔煎黃花魚有點怪，會浪費了煎香的魚，分開上較好，下次怕魚唔熟，中間𠝹兩刀」、「睇落感覺可以呀，兩條魚煎得靚，雞翼汁夠稠，俾啲信心自己，問題係個男仔欠禮貌，考慮清除」。港媽卻表示：「我個衰女話佢條仔煮餸好過我，我收皮囉！」有網民回應：「叫佢日日來煮足3餐，買埋洗埋煮埋！最好拖埋地倒埋垃圾！」替港媽消消氣。
