網民嚴選全港手機訊號黑洞 完全Load唔到！
相信大家都有搭地鐵收唔到電話的經驗，你又有無覺得每逢邊幾個站都會收唔到，好似跌咗入黑洞咁樣樣呢？近日有網民在連登討論區上發帖，同大家一齊「嚴選全港手機上網訊號黑洞」，樓主首先拋磚引玉，表示自己「用過幾個台，咁多年，以下地點堅黑洞，一進入就上唔到網 ，1)港鐵線香港站至奧運站、2)西鐵線荃灣西至錦上路站」
發帖短短6小時，帖子已經有超過11頁的回應，反應非常熱烈，看來香港多處都會有手機跌入訊號黑洞的情況。編輯初步整合了最多人回覆的地點，包括九龍灣站去彩虹站、藍田站去觀塘站、過錦上路站之後、青衣站、八鄉、西灣亭等最多人選擇。
當中最多人認同的就是彩虹至藍田的地鐵站範圍，「藍田站試過連電話都打唔出」、「每次入彩虹就收唔到」、「入完彩虹去到觀塘好似入咗異空間咁」、「繁忙時段好明顯，明明露天段都仲收得差過隧道段，限速後直情Load空氣！」
到最後網民提出要講埋用咩台（電訊商），才更有參考價值，大家又有咩親身經歷呢？