港人不解遊客眼中的香港名物為何是「小熊曲奇」：從未食過
該網民事先聲明自己從未試過小熊曲奇，但見很多遊客購買，於是十分好奇究竟多不多香港人食過，還是只是自己的問題：「身為香港人嘅我係無食過係咪我問題，由細到大多數食藍罐」，結果引來網民討論。事關早由2018年，當時已經有不少人表示「點解小熊曲奇（即珍妮曲奇），要用1個鐘排隊先買到？」、「其實佢地位等同許留山，得遊客買」、「香港人自己都未未食過，亦唔知咩來頭，咁都可以話香港手信」。當時有不少人表示對其並不認識，但今次帖文下的討論，反而有所不同。
曾有吃過的網民大多都表示最後一次食，都是數年前甚至是10年以上前，指「 我讀中學時都有食過，我覺得係佢拉高咗我對曲奇嘅要求，鬆軟得嚟入口又係酥酥脆脆，牛油香得嚟又唔會覺得太膩，每日食一兩嚿都會覺得超開心」、「我細細個就食佢」、「牛油香好勁，邪惡但係好食，我自己細個其實鐘意硬曲奇多過最出名的鬆化曲奇款，不過當然唔會誇張好食到值得排隊」、「我以為只得大陸人，原來好多韓國人都鍾意食，排隊前後都係韓國人 」、「之前我同台灣個friend講下次你嚟香港我送熊仔餅畀你，點知佢以為我講小熊曲奇，之後我話小熊曲奇？我都未食過」、「果仁曲奇好鬆化同滿滿牛油香，新出果仁朱古力薄脆片，完全係中毒級好食到停唔到」。
港人4大原因而卻步
其實小熊曲奇（珍妮曲奇）到現在還是十分受到旅客歡迎，也不只是國內遊客，但由於常常需要排隊，某些受歡迎的味道還會很早售罄讓人大為卻步，留言指「為呢塊曲奇要自己排隊買就不了 」、「佢做多咗自由行生意，越嚟越難買就少咗機會食」、「越嚟越難買同貴，都已經十幾年無再買嚟食」、「因為唔知邊間係正店，周圍都有老翻」、「佢好耐之前開到口話淨係做一種人生意，所以都係不了」、「變咗手信就越做越醜」。
亦有人指「原來有咁多人食過，真係長知識，終於知點解受歡迎」。
