移民英國｜港男移英半年斥港人PK
有移英港人最近於Facebook群組「英國香港人生活交流區」發文，分享他移民英國半年的感受。他劈頭就痛斥「香港人唔該唔好再做pk事」，指出不少香港人會在英國購入一間自住樓，再另外買2 – 3間放租「到處提價搶樓，助長英國樓價攀升」。
他強調不是「葡萄」他人，亦明白樓價攀升不止一個原因，但他認為香港人正正是在將香港的住屋問題帶到英國：「遭本地人唾棄指日可待，亦令往後來英港人成本大增」。同時他表示有朋友的英國同事好客氣地表示：「點解你哋香港人的問題，唔自己留喺香港解決，而將問題帶到英國俾我哋呢？」
移民英國｜網民：你太睇得起香港人！
他的發文引來極多討論，有部分網民認同他的觀點：「一早已發現呢個問題」、「嗰啲人唔明咩叫己所不欲，勿施於人」、「真心同意， 附近有好多香港人都諗住買幾兩間以上」。但更多的網民批評他是對自己人進行道德批判，想法過於單一：「在一個公平法律體制下，對於他人合法行為，唔好咁多公開的道德批判，咁對大家都好啲」、「人哋真金白銀，去安居樂業，竟然有人空口講白話咁樣，會影衰香港人？」
同時網民也質疑，他只是經過半年就貿然斷定是香港人炒賣英國房屋，導致英國房價上升：「成個英國咁大，香港人就可以炒貴哂英國樓，香港人真勁」、「其實英國本地人都會買樓投資放租，唔係關晒香港人事囉」、「照你咁講咁係咪所有放租嘅人都係X街？」、「你想太多了，英國買屋收租並不是容易的而且稅項重」。
移民英國｜事主1小時10度更改內文 回應網民意見
發帖3小時內被連翻炮轟的他，1小時內改了內文10次以回應網民的意見。首先，他重申他深知英國樓價攀升並不是因為「香港人推高」這個單一原因，只是認為有影響性及助長性。其次他指出網民一廂情願：「 你哋覺得買2、3個物業放租，成本高無人咁做，但唔代表無，我身邊就有唔少人，一個人買3個物業放租」。另外他亦表示不少人提到英國為自由市場，令他發笑：「好多人話『我買得起咁多樓放租有咩問題呀？而家咁缺租盤，如果唔係咁，大把英國人無樓租呀！』」
移民英國｜大批網民再度反駁：香港人即係原罪？
但他的回應再次引發網民的嘲諷：「人哋交足稅，鍾意買幾多間真係關你X事？」、「全世界通貨膨脹，樓價升先至正常」、「英國政府嘅買屋政策無偏向香港人喎，相反我哋反而比多啲稅，同香港嘅情況都唔同」、「呢度做業主冇香港咁過癮，限制好多，政策偏向保障租客，唔好以為好好搵，頂下通漲賺少少咋」、「明曬……買樓收租本身沒有罪，偏偏只係香港人買樓收租就有罪」。
移民英國｜移英港人是英國樓價上升的主因？
引述《衛報》於今年3月對英國樓價的報導，英國最大的建築協會Nationwide的數據顯示，截至2022年3月份，英國平均房價達英鎊265,312元（約港幣2,615,114元），上漲了超過英鎊33,000元（約港幣325,272元），漲幅達14.3%，是自2004年11月以來的最大升幅。同時威爾斯、英格蘭與蘇格蘭每個地區的房價都在飛速增長中。
儘管英國各地房價增長迅速，但他們並不認為是因為香港人移民英國購買房屋收租而造成樓價上漲。Nationwide指出，自新冠疫情於英國擴散後，不少人為了能舒適在家工作而尋找更大的住屋，有求便有供，令房價有所上漲。
同時雖然新冠疫情持續造成英國經濟損失，但房價因為英國政府的英國薪資補助計畫及封關期間市民的儲蓄支持著房地產市場。另外，英國政府更通過削減印花稅干預，為房地產業提供補貼。根據Nationwide的數據，英國政府種種的政策才是英國房價飈升的主要因素。
