撰文：C｜圖片：《LDK》
日本妹秘藏set頭教學
技巧1｜調整臉部露出度，就能打造美人顏
決勝點在於臉部周圍同臉頰骨下嘅「分量」
調整頭髮嘅豐盈感，以及臉部嘅露出度，就可以接近鵝蛋形輪廓。長形臉嘅人要強調橫向幅度，留有劉海會更好，而圓形臉則需要強調臉嘅長度，所以頭頂嘅頭髮營造出具分量嘅空氣感更好。調整頭髮豐盈感就能簡單改變印象。
技巧2｜頭髮分界不要呈直線
將頭髮分界變得歪斜啲，就可以令頭頂嘅頭髮帶有自然嘅豐盈感，令印象變得溫柔。初學者可用尖尾 梳嘅尾端，喺平時分界嘅1cm外側開始，一小撮、一小撮咁攞起髮束並交叉放置，將分界整成雷電形咁就完成。
技巧3｜劉海留有空隙，髮尾整理整齊顯臉小
劉海唔好整理得過於整齊，留有小小空隙嘅話，可令顏頰顯得更立體、整潔，望落有小臉效果！相反地，如果劉海過於整齊，則會令臉睇起嚟感覺沉重無神。髮尾過度橫向展開嘅話，會令臉嘅橫幅拉得更闊，望落顯得臉大，所以將髮尾自然地垂落並整理整齊，望落會更清爽立體。
技巧4｜用捲髮棒只捲髮尾，都可有精心set過嘅感覺
冇時間嘅時候，即使只係捲到一圈，用捲髮棒稍為捲一捲髮尾，都可以營造出精心set過嘅感覺。此外，捲髮棒傳熱度高，一下就能好好將頭髮捲起，即使係忙碌嘅早晨，都可以一下就捲出帶有光澤感嘅曲髮。
技巧5｜束於正確位置，可令日常嘅馬尾辮更顯時尚
失敗嘅馬尾辮會顯得好幼細、老土，咁係因為紮辮嘅位置不正確。喺較高位置束起馬尾，可令日常嘅馬尾辮顯得更有時尚感。此外，將頭頂嘅頭髮稍為弄得有豐盈感，會令側臉更好看。
技巧6｜簡單set頭術
冇時間但又想令髮型望落好花心思嘅話，將兩側頭髮扭起，再用髮夾固定係最佳做法！唔好夾緊，稍為留有鬆動感，可令髮型感覺更加可愛。
技巧7｜使用定形軟膏抑制蓬鬆雜亂的頭髮
髮尾過於蓬鬆雜亂會減弱小臉效果，而且會令印象變得不潔。能將呢啲乾燥蓬鬆嘅髮絲整理好嘅產品，就係軟膏狀嘅造型定形劑。使用得宜嘅話，可以簡單地令頭髮顯得絲絲分明！使用呢款定形軟膏更可為頭髮增添光澤感，推薦給想擁有一頭秀髮嘅朋友使用！
技巧8｜使用造型噴霧/髮油
想減弱頭髮蓬鬆豐盈感嘅話，可使用N. Polish Oil髮油，由頭頂至髮尾整理好髮絲。相反地，想令頭髮有豐盈感嘅話，則推薦使用Sea Salt Spray，增添自然輕盈嘅豐盈感。
技巧9｜增加頭髮亮度
如果想再為頭髮增加光澤感/亮度，可使用Lebel噴霧，可為頭髮帶來「天使光環」！變成見到就令人忍唔住想摸嘅亮麗頭髮。噴上後，會於髮絲表面加上coating，變得光滑無比。