自私港媽不忿大聲播卡通被投訴 惡人先告狀：無阻到你憑咩話我？
有網民向Facebook專頁「生仔要考牌系列」投稿，他表示有日中午時段到一間餐廳用膳時，旁邊坐著一名港媽與一名年約1歲的小朋友，而小朋友手上則有一部手機大聲地播放卡通片。事主形容卡通片「不停嘟嘟嘟嘟，啦啦啦啦」，音量足以讓5張枱內的客人都可以清晰聽到，就連侍應行過都皺眉，部分食客也忍不住戴上耳機，只求一小片寧靜，也有食客選擇默不作聲，忍耐下去。
而事主就好心提醒一下港媽，勸喻她應將音量收細，以免影響其他食客。豈料港媽不但止不聽勸，反而將手機的音量提高！事主平心靜氣、好言相勸：「你湊住小朋友，呢度大家食飯，可唔可以有返啲公德心，真係太大聲。」但不講理的港媽反駁到：「你做咩話我小朋友啫？有阻到你咩？」
他指他並不是在指責小朋友，並再次提醒手機播片的音量過大，請求他將音量收細。港媽繼續不聽勸告，反而對著他怒吼：「侍應，我唔要坐呢度，啲人都痴線㗎！我播片關你咩事？我係鍾意咁大聲呀！」結果他也放棄與港媽爭論並提醒她：「咁最好你轉位啦，個個都睥緊你呀！你自己望吓。」港媽隨即環顧四周，餐廳內的食客都對她的行為側目，她非常不忿氣地大聲吆喝：「你哋呀，個個都無仔生㗎，小朋友要睇就要睇㗎啦，你班人望咩望，我係要較咁大聲呀，侍應我要轉位坐。」
惡客終被霸氣大叔收服 一句即時唔敢出聲
其後侍應就為她安排了另一個位置，終於還了事主與附近的食客一片清淨，令他們都鬆了一口氣，但港媽調位後仍然故我「勁大聲播片」。此時此刻，坐在港媽旁邊的一位身型健碩的大叔因為手機的音量極為不滿，忍無可忍的他以粗口「問候」港媽：「八婆，你咁L大聲仲乜交呀？你撞聾定搏小呀？」被大叔「問候」完後，事主形容港媽「即時笠水」，終將卡通片音量較細，而他更目擊到侍應就在他們背後偷笑。
投稿引發大批網民熱烈討論，不少人都批評港媽欺善怕惡， 對於這類不講理的人不需要太有禮貌：「好多人欺善怕惡，呢啲人埋去拍枱X佢就啱啦」、「對無文化嘅X街只有惡過佢先有效」、「其實對住呢啲人講完道理都冇用，就要X佢老味㗎啦」！亦有網民提供一個超絕的必勝方法對付港媽：「即刻開大聲播咸片比佢個仔聽，呀呀呀，仲要配合女主角一齊叫，睇下邊個頂唔順先！」
