香港氣溫突然急降至12度，相信熱愛打邊爐的香港人近幾日開始「圍爐取暖」，但每個人打邊爐時的習慣各有不同，更有可能在打邊爐期間觸發「世界大戰」，以下8個最常發生的打邊爐矛盾，網民都話「乞人憎」！

打邊爐8個乞人憎行為易嗌交　網民：友誼破裂

有網民在論區上發表自己遇過港人奇怪飲食習慣，當中就講到有人習慣將碗中的湯汁倒回鍋中，很多網民就指：「接受唔到，除非係佢自己一人鍋一個人食」、「同咬咗一啖發現食物未熟掉返落去差唔多」等，發現以下8個打邊爐行為好易令到友誼破裂。

打邊爐嗌交 gt12 8個打邊爐行為好易令到友誼破裂（圖片來源：IG@lilasikuta） — 8個打邊爐行為好易令到友誼破裂（圖片來源：IG@lilasikuta）

嗌交位01｜「水煮」午餐肉

不少網民對打邊爐落午餐肉這一個舉動有很大爭議，網民認為：「午餐肉淨係可以煎嚟食」、「烚午餐肉個口感淋滋滋好核突」、「食開X？」等回應；但又有網民認為：「吸埋啲湯底好入味，一定要食」、「煎完邊再食就啱哂」、「午餐肉次次都畀fd鬧，但次次都第一時間清哂」等回應。

打邊爐嗌交 gt12 打邊爐落午餐肉？（圖片來源：網上圖片） — 打邊爐落午餐肉？（圖片來源：網上圖片）

嗌交位02｜成碟落晒

一大班人打邊爐心急就會有人想成碟落晒，網民認為：「打邊爐就係慢慢烚下烚下咁，自己要食先落，成碟落晒難熟搞到其他冇得食，熟完又要一次食唔晒要攤凍」、「成碟肥牛落鍋會老，個湯又嘔哂白泡」、「落哂有排都未滾」；但網民又認為：「次次食到好似打仗咁，落完幾秒就畀人搶哂，不如一次過落多啲」、「成碟落是常識吧，一次一粒想食到出年？」等。

打邊爐嗌交 gt12 成碟落是常識吧，一次一粒想食到出年？（圖片來源：《第3種魅力》劇照） — 成碟落是常識吧，一次一粒想食到出年？（圖片來源：《第3種魅力》劇照）

嗌交位03｜不停冚蓋

有網民習慣落完一次食物後蓋上蓋子，可以令到食物更快熟，不過又網民不耐煩認為：「冚住個蓋點打邊爐？」、「又冚蓋不如拎入廚房煮呀？」等。

嗌交位04｜混湯

相信大家一定遇過有人點鴛鴦鍋時，因為一邊得的湯底太辣而不得不放到另一邊的湯底中「過過水」，這一個舉動，有網民就認為：「咁鴛鴦鍋嗌嚟做咩？」、「最後兩邊都辣嘅分開離仲有意思咩？」等。

打邊爐嗌交 gt12 通常叫開一邊辣，一邊唔辣（圖片來源：無老鍋） — 通常叫開一邊辣，一邊唔辣（圖片來源：無老鍋）

嗌交位｜05水滾先落

剛開始湯底未滾、或加湯後未水滾的時候，一定會有人心急落食物，網民就認為：「一樣姐，最後都會熟」、「落多啲一次過滾，一陣又無嘢食啦」；又有人認為：「而家打邊爐定慢煮？」、「水都未滾，一陣煮唔熟好多菌，啲肉又老」等。

打邊爐嗌交 gt12 湯底未滾、或加湯後未水滾的時候，一定會有人心急落食物（圖片來源：FB@深圳大陸吃喝玩樂交流 (By Runhotel)） — 湯底未滾、或加湯後未水滾的時候，一定會有人心急落食物（圖片來源：FB@深圳大陸吃喝玩樂交流 (By Runhotel)）

嗌交位｜06 唔用公筷

疫情之後，香港人的衛生意識再次升級，認為打邊爐最好用返對公筷：：「一雙筷走天涯好嘔心」、「最乞人憎係唔用公筷，用自己食梗野對筷子係個煲度好似打蛋器咁撈嘢食，同用自己對筷子夾住件肥牛淥」；又有網民認為：「以前好少用公筷，邊會拎咁多筷子用。同老一輩食嘢，覺得對公筷多餘，早幾年見同枱有人病病地，自己嗰期抵抗力弱，唔想佢食完對筷子插落嘢食到都被人嫌麻煩」。