撰文：TLY 、venus.y | 編輯：venus.y | 圖片：《女人四十》mytv（原文刊於《More》）
《女人四十》10大令人共鳴位
共鳴位01｜發現自己錯過了很多
上星期三節目的尾段，田蕊妮與Miss Hunny等一眾KOL打麻將。田蕊妮被問到覺得自己年輕與否的問題時，她表示不會說自己年輕，只是多了經歷。田蕊妮的媽媽在她38歲正值事業拼搏期過身，田蕊妮指30歲的她想在40歲前有一番成就，於是不斷地向前衝，忽略了家人、朋友，而她的媽媽也不知不覺間老了。
共鳴位02｜學習較慢
節目中Miss Hunny用了「水潤的海綿」來形容田蕊妮接收能力較慢。而田蕊妮則用「當機」來形容自己。20歲的她覺得自己懂得的事很多，但現在她發現原來自己還有很多不會的事，因此，她的求學心仍很強。
共鳴位03｜注重養生
由30歲開始「養生裝」，暖水瓶、披肩、護手霜簡直是女人的出外三寶。
共鳴位04｜女人四十真是老？
社會人士一直認為40歲的女人已經步入中後年，女人會隨年齡增長，而自信下降。每當我哋被新認識嘅人，將我哋嘅年齡估成更年輕，心底裡都不禁沾沾自喜。而節目中，阿田問小朋友對她的印象時，小朋友說她似27歲，阿田超開心！但年齡真係可以定義女人的價值嗎？阿田就認為，其實自信係由內而外，你嘅內心強大年輕，年齡都只係數字，一樣可以去學新嘢，發掘自己未知嘅另一面。
共鳴位05｜從前的興趣改變，不再夜蒲
年輕時，我夜夜笙歌，夜蒲、打牌、唱K直落冇問題，一到了40歲，好像只是鍾意留喺屋企，瞓個美容覺。阿田和谷祖琳自稱曾是「夜蒲queen」，當時生活由晚上11時先會正式開始，但現在再蒲會覺得「很吵、很刺耳，更會見暈」，急急腳離開。杜如風更自嘲，依家落去再蒲，自己已經係「Auntie Helen」。
共鳴位06｜不再穿著背心短褲
阿田在節目試著上熱褲，就表示下面涼浸浸，提到依家著衫要諗清楚，覺得著背心、短褲，就不是良家婦女。「有一次問老公杜汶澤，著背心好唔好？阿澤答我著得舒服就得。」另外節目提到「中女」要養生，阿芝就話「中女會飲暖水，遲啲要飲熱水」。阿田認為除咗要保持健康，心態都要保持年輕。
共鳴位07｜女人四十歲是結婚的最後deadline？
社會不斷進步，但一啲傳統觀念，依然好影響女性嘅睇法，女性係咪要40歲前結婚呢？阿田直言，的確會有人為咗趕死線而結婚。要結婚好易，要嫁得好就好難。
共鳴位08｜有仔趁嫩生？
過咗35歲懷孕嘅婦女就會被稱為高齡產婦，認為身體會出現大變化，懷孕機會會下降，風險都會愈大。但阿田為咗推倒說法，連子宮都要出埋鏡！佢去咗婦產科照子宮，照完醫生就話佢嘅子宮年齡如14歲，依然適合生小朋友。所以年齡只是數字，身體實際狀況先真實證明到適唔適合生小朋友。
共鳴位09｜女人四十才是真正開始
阿田認為，「40歲好似突然睇嘢清晰晒，都變得從容不迫」。車婉婉十分認同，以前衝動火爆嘅性格，當發生問題就要立即解決，依家忍耐力高咗，發生問題時，會先退後一步。阿田立即補充：「現在覺得出現問題很正常，無法即時解決嘅嘢，便等到明天再解決，始終能解決。」
另外，谷祖琳認為放慢腳步，不會逼迫得自己太緊，每一日只安排一樣嘢，以一件事情為重點。阿田更認為40歲過後，好似重生。「一路走來累積到嘅智慧同涵養，我反而覺得件事好美麗。」 女人四十更要有態度！
共鳴位10｜聊起年輕時會看場合
到了某個年齡，看到一班90後、00後，很怕在他們面前話當年，因為怕話不投機，又怕被笑年紀大！
